புதிய தேர்தலையும் யுத்த நிறுத்தத்தையும் கோரி இஸ்ரேலில் ஆயிரக்கணக்கான மக்கள் பெஞ்சமின் நெட்டன்யாகு அரசாங்கத்திற்கு எதிராக ஆர்ப்பாட்டங்களில் ஈடுபட்டுள்ளனர்.
காசாவில் ஹமாசின் பிடியில் உள்ள ஏனைய பணயக்கைதிகளை விடுதலை செய்வதற்கான நடவடிக்களை அரசாங்கம் எடுக்கவேண்டும் என ஆர்ப்பாட்டக்காரர்கள் வேண்டுகோள் விடுத்துள்ளனர்.
ஜெரூசலேத்தில் இந்த ஆர்ப்பாட்டங்கள் இடம்பெற்றுள்ளன.
காசாவில் பணயக்கைதிகளாக சிக்குண்டுள்ளவர்களை விடுதலை செய்வதற்காக யுத்த நிறுத்த உடன்படிக்கை அவசியம் எனவும் ஆர்ப்பாட்டக்காரர்கள் வேண்டுகோள் விடுத்துள்ளனர்.
ஒக்டோபர் ஏழாம் திகதிக்கு பின்னர் அரசாங்கத்திற்கு எதிராக இடம்பெற்ற மிகப்பெரிய ஆர்;ப்பாட்டம் இதுவென இஸ்ரேலிய ஊடகங்கள் தெரிவித்துள்ளன.
பெஞ்சமின் நெட்டன்யாகு அரசாங்கம் முற்றாக தோல்வியடைந்துவிட்டது என ஆர்ப்பாட்டத்தில் கலந்துகொண்ட 74 வயது நுரிட்ரொபின்சன் தெரிவித்துள்ளார்.