காரைநகரில் 42 மில்லியன் ரூபா பெறுமதியான கேரளா கஞ்சா மீட்பு

யாழ்ப்பாணம் காரைநகர் தீவில் நேற்று மேற்கொள்ளப்பட்ட ரோந்து நடவடிக்கையின் போது இலங்கை கடற்படையினர் 128 கிலோகிராம் (ஈரமான எடை) எடையுள்ள கேரள கஞ்சாவை கைப்பற்றியுள்ளனர்.

வடக்கு கடற்படை கட்டளையுடன் இணைக்கப்பட்ட SLNS Edithara II கடலில் தத்தளித்த மூன்று பயணப் பைகளை கைப்பற்றியது.பயணப் பைகளில் 128 கிலோ மற்றும் 065 கிராம் (ஈரமான எடை) எடையுள்ள கேரள கஞ்சா நிரப்பப்பட்ட 42 பொதிகள் இருந்தன.கடற்பரப்பில் கடற்படையினரின் தொடர்ச்சியான தேடுதல் நடவடிக்கைகளினால் கடத்தல்காரர்கள் சரக்குகளை கைவிட்டதாக நம்பப்படுகிறது.கேரள கஞ்சாவின் மொத்த மதிப்பு ரூ.42 மில்லியனுக்கும் அதிகமாக இருக்கும் என நம்பப்படுகிறது.