HMD Global நிறுவனத்தின் கட்டுப்பாட்டில் இயங்கும் நோக்கியா நிறுவனம் உலகிலேயே முதல் முறையாக UPI Payments வசதியுடன் கூடிய Feature போன்களை இந்தியாவில் வெளியிட்டுள்ளது.
தற்போது பண பரிவர்தனைக்கு இந்தியாவில் கோடிக்கணக்கான மக்கள் UPI முறையையே அதிகம் பயன்படுத்துகிறார்கள். இதை ஒரு சாதாரண பீச்சர் போனில் வழங்கி நோக்கியா நிறுவனம் புதிய சாதனை படைத்துள்ளது.
நோக்கியா நிறுவனத்தின் இந்த பீச்சர் போனில் இனி UPI பரிவர்த்தனை செய்யலாம்.
Nokia நிறுவனத்தின் புதிய 105 மற்றும் 106 4g ஸ்மார்ட்போன்களில் முதல் முறையாக UPI வசதி சேர்க்கப்பட்டுள்ளது. இதனால் இனி இந்த செக்மென்ட் போன்களுக்கு ஒரு புதிய தொடக்கம் கிடைக்கும் என்று நோக்கியா நிறுவனம் தெரிவித்துள்ளது.
தற்போது இந்தியாவில் ஸ்மார்ட்போன் பயனர்கள் அதிகமாக இருந்தாலும் இன்னமும் 250 மில்லியன் மக்கள் இதுபோன்ற சாதாரண பீச்சர் போன்களையே அதிகம் பயன்படுத்துகிறார்கள். அவர்கள் மீது தனிப்பட்ட அக்கறை எடுத்து அரசுடன் இணைந்து நோக்கியா நிறுவனம் இந்த பீச்சர் போன்களை உருவாக்கியுள்ளதாக தெரிவித்துள்ளது.
Nokia Feature Phones Color
நவீன ஸ்மார்ட்போன்களாக இவை பார்க்கப்படாமல் இருந்தாலும் இவற்றிற்கென தனியாக சந்தை உள்ளது. அந்த சந்தை வளர்ச்சி அடைய இதுபோன்ற புதிய நவீன கண்டுபிடிப்புகள் மிகவும் அவசியமான ஒன்று. கடந்த 2016 ஆம் ஆண்டு அறிமுகம் செய்யப்பட்ட UPI Payment முறை தற்போது இந்தியா மட்டுமல்லாமல் உலகளவில் பிரபலமாக மாறியுள்ளது. தற்போது இந்தியாவில் மட்டும் சுமார் 260 மில்லியன் மக்கள் 200 பில்லியன் மதிப்பிலான பணப்பரிவர்த்தனை மேற்கொண்டுவருகிறார்கள்.
இதன் டிஸ்பிளே அளவு 1.8 இன்ச் உள்ளது. இதன் 1000mAh பேட்டரி 22 நாட்கள் Standby Mode மூலம் தாங்கும். இதில் GSM நெட்ஒர்க், மினி சிம் கார்டு, FM ரேடியோ, ஹெட்போன் ஜாக் போன்றவை உள்ளது. இதன் விலை 1,299 ஆயிரம் ரூபாய் ஆகும்.
Nokia 106 4g
இந்த போன் 1.8 இன்ச் டிஸ்பிளே வசதி, 22 நாட்கள் நீடிக்கும் 1000mAh பேட்டரி, மைக்ரோ USB, 32GB வரை ஸ்டோரேஜ் வசதி, MP3 பிளேயர், வாய்ஸ் ரெகார்ட், FM ரேடியோ, IP52 ரேட்டிங் பாதுகாப்பு வசதி உள்ளது. இதில் Charcoal, Emerald Green, Red Terracotta ஆகிய மூன்று கலர் ஆப்ஷன்களில் கிடைக்கிறது. இதன் விலை 2,199 ஆயிரம் ரூபாய் ஆகும்.