மேலும் பதினைந்து இலங்கையர்கள் மியன்மாரில் உள்ள சைபர் கிரிமினல் ஏரியா (சிசிஏ) என்ற இடத்திற்குச் சென்று கொண்டிருப்பதாக, ஏற்கனவே அங்கு சிக்கியவர்களில் சிலர் வெள்ளிக்கிழமை ஊடக நிறுவனங்களுக்குத் தெரிவித்தனர்.
இலங்கை ஊடக நிறுவனங்களைத் தொடர்புகொண்டு, வியாழன் அன்று ஒருவர் ஏற்கனவே அங்கு வந்ததாகவும், மேலும் மூன்று பேர் வெள்ளிக்கிழமை இரவு வரவிருப்பதாகவும் தெரிவித்தனர். மொத்தத்தில் மேலும் 15 இலங்கையர்கள் அங்கு வர உள்ளதாக ஏற்கனவே நாட்டில் இருக்கும் இலங்கை பெண் ஒருவர் தெரிவித்தார்.
மியான்மரில் உள்ள இலங்கை இராஜதந்திரிகளுக்கு இது குறித்து தெரியப்படுத்தியதாகவும், ஆனால் தங்களால் எதுவும் செய்ய முடியாது என்று ராஜதந்திரிகள் கூறியதாகவும் அவர் கூறினார்.
“அதிகமான இலங்கையர்கள் இங்கு வந்தால், விஷயங்கள் மிகவும் சிக்கலானதாக இருக்கும். இனி இங்கு வருபவர்களை நிறுத்துமாறு அரசை வலியுறுத்துகிறோம்,” என்று அவர் கூறினார்.
கடந்த வருடம் இப்பகுதியில் சிக்கியிருந்த 56 இலங்கையர்கள் பற்றிய தகவல் வெளிவிவகார அமைச்சுக்கு கிடைத்தது.
மியன்மாரில் உள்ள இலங்கைத் தூதரகத்தின் சட்டத்தரணி மிஹிரி பெர்னாண்டோ ஊடகங்களுக்குத் தெரிவித்ததாவது, 56 இலங்கையர்கள் சிசிஏவில் உள்ள மூன்று முகாம்களில் உள்ளனர். அவர்களில் 41 பேர் ஆண்கள் மற்றும் 15 பேர் பெண்கள். மியான்மரில் உள்ள இலங்கை தூதுவர் ஜானக பிரியந்த பண்டார, அந்த இலங்கையர்களை மீட்பதற்கான சாத்தியக்கூறுகள் குறித்து மியான்மர் அதிகாரிகளுடன் பேச்சுவார்த்தை நடத்தி வருகிறார்.