ஒக்டோபர் மாதத்தில் தொழிலாளர்கள் அனுப்பும் பணமானது 355.4 மில்லியன் அமெரிக்க டொலர்களாக அதிகரித்துள்ளதாக தொழிலாளர் மற்றும் வெளிநாட்டு வேலைவாய்ப்பு அமைச்சர் மனுஷ நாணயக்கார தெரிவித்துள்ளார்.
2021 ஆம் ஆண்டின் இதே காலப்பகுதியுடன் ஒப்பிடுகையில் இது 12% அல்லது 38 மில்லியன் அமெரிக்க டொலர் அதிகரிப்பு என அமைச்சர் மனுஷ நாணயக்கார தெரிவித்தார்.
இதற்கிடையில், இந்த ஆண்டு ஜனவரி முதல் ஒக்டோபர் வரையிலான மொத்த எண்ணிக்கை இப்போது கிட்டத்தட்ட 3 பில்லியன் அமெரிக்க டொலர்களாக உள்ளது.
2022 ஆம் ஆண்டில் வெளிநாட்டு ஊழியர்களிடமிருந்து இலங்கைக்கு 2,929.4 மில்லியன் அமெரிக்க டொலர்கள் பணம் அனுப்பப்பட்டுள்ளதாகவும் அமைச்சர் தெரிவித்தார்.
இதேவேளை, உத்தியோகபூர்வ ஊடாக இலங்கை புலம்பெயர் தொழிலாளர்கள் அனுப்பும் அந்நியச் செலாவணிக்கான புதிய ஊக்குவிப்புத் திட்டம் அறிமுகப்படுத்தப்பட்டுள்ளது.
இலங்கை மத்திய வங்கி ஒரு பரிவர்த்தனையின் மூலம் ஒவ்வொரு 20,000 அல்லது அதற்கு மேற்பட்ட பணத்தை அனுப்புவதற்கும் ரூ.1,000 ஊக்கத்தொகை வழங்கப்படும் என அறிவித்துள்ளது.
மத்திய வங்கியின் கூற்றுப்படி, உரிமம் பெற்ற வங்கிகள் அல்லது பணம் அனுப்பும் முகவர்களால் விதிக்கப்படும் பரிவர்த்தனை செலவை திருப்பிச் செலுத்த இந்த ஊக்கத்தொகை வழங்கப்படுகிறது.
இந்த ஊக்குவிப்புத் திட்டம் உரிமம் பெற்ற வங்கிகளில் பராமரிக்கப்படும் ரூபாய் கணக்குகளுக்குப் பெறப்படும் பணம் மற்றும் கருமபீடம் மூலம் பெறப்படும் பண ரசீதுகளுக்கு மாத்திரமே பொருந்தும் என மத்திய வங்கி குறிப்பிட்டுள்ளது.