பேரிக்காய் ஒருவகையான சீசன் பழம. இப்போது சீசன் என்பதால் மிக எளிதாக எல்லா இடங்களிலும் கிடைக்கக்கூடியது. நீர்ச்சத்து அதிகமாக உள்ள இந்த பேரிக்காயில் ஏராளமான ஆரோக்கிய நன்மைகள் இருக்கின்றன. குறப்பாக சர்க்கரை நோயாளிகளுக்கும் ஏற்ற பழ வகையில் ஒன்றுதான் இந்த பேரிக்காய். வாங்க இதுல இருக்கிற அற்புத நன்மைகள் பத்தி நாமும் தெரிஞ்சிப்போம்.
பேரிக்காய் மிக மெல்லிய இனிப்புச் சுவையும் புளிப்ச சுவையும் கலந்தது. இதில் 70 சதவீதத்துக்கும் மேல் நீர்ச்சத்தால் ஆனது. குழந்தைகள் முதல் பெரியவர்கள் வரைக்கும் எல்லோருக்கும் பிடித்த பழங்களில் பேரிக்காயும் ஒன்று. நறுக் நறுக்கென்று இருக்கும்
ஊட்டச்சத்துக்கள் நிறைந்தது
பேரிக்காய் ஊட்டச்சத்துக்கள் நிறைந்த பழங்களில் ஒன்று. பேரிக்காயில் கலோரி அளவுகள் மிக மிகக் குறைவு. பேரிக்காயில்,
புரதச்சத்து,
நார்ச்சத்து,
வைட்டமின் சி,
வைட்டமின் கே,
பொட்டாசியம்,
காப்பர்
மற்றும் பிற ஊட்டச்சத்துக்களும் நிறைந்திருக்கின்றன.
குடல் ஆரோக்கியம்
குடல் ஆரோக்கியம்
பேரிக்காய் ஒட்டுமொத்த ஜீரண மண்டலத்தையும் ஆரோக்கியமாக வைத்திருக்க உதவி செய்யும்.
பேரிக்காயில் உள்ள கரையும் நார்ச்சத்துக்கள் மற்றும் கரையாத நார்ச்சத்துக்கள் இரண்டு சேர்ந்து குடல் ஆரோக்கியத்தை மேம்படுத்த உதவி செய்யும். இதனால் ஜீரண சக்தியும் மேம்படும்.
தினமும் பேரிக்காயில் உணவில் சேர்த்துக் கொள்வதன் மூலம் குடல் ஆரோக்கியம் மேம்படுவதோடு மலச்சிக்கல ஏற்படாமலும் மலக்குடல் அழற்சி உள்ளிட்ட பிரச்சினைகள் ஏற்படாமல் தவிர்க்க முடியும்.
இதய நோய் ஆபத்தை குறைக்கும் பேரிக்காய்
இதய நோய் ஆபத்தை குறைக்கும் பேரிக்காய்
பேரிக்காயில் உள்ள அதிகப்படியான நார்ச்சத்துக்களும் வைட்டமின்களும் உடலின் ரத்த ஓட்டத்தைச் சீராக்கும். உடலில் கெட்ட கொழுப்பு சேராமல் பார்த்துக் கொள்ளும்.
குறிப்பாக இதிலுள்ள வைட்டமின் கே ரத்தம் உறைதலைத் தடுத்து இதயத்திற்குச் செல்லும் ரத்தக் குழாய்களில் ரத்த ஓட்டம் சீராகி இதய நோய்கள் வராமல் தடுக்கும். இதய ஆரோக்கியத்தை மேம்படுத்தும். புற்றுநோயையும் வராமல் தடுக்க உதவி செய்யும்.
இன்ஃபிளமேஷன்களை குறைக்கும் பேரிக்காய்
பேரிக்காயில் ஆன்டி இன்பிளமேட்டரி பண்புகள் மிக அதிகம். இது உடலில் ஏற்படும் இன்பிளமேஷன்களைக் குறைத்து டைப் 2 நீரிழிவைக் கட்டுப்படுத்துவதோடு இதய ஆரோக்கியத்தையும் மேம்படுத்தும்.
பேரிக்காயில் உள்ள ஆன்டி ஆக்சிடண்ட்டுகள் மற்றும் ஃபிளவனாய்டுகள் உடலில் இன்பிளமேஷன்கள் ஏற்படாமல் பார்த்துக் கொள்வதோடு உடலில் நோய்த் தொற்றுக்கள் ஏற்படும் ஆபத்தையும் குறைக்கும்.
புற்றுநோய் எதிர்ப்பு பண்பு கொண்ட பேரிக்காய்
பேரிக்காயில் பல்வேறு மூலக்கூறுகள் இருக்கின்றன. அவற்றில் மிக முக்கியமான ஒன்று புற்றுநோய் எதிர்ப்பு பண்பு.
பேரிக்காயில் உள்ள குளோரோஜெனிக் அமிலமும் ஆந்தோசயனின் ஆகியவையும் புற்றுநோய் வராமல் தடுப்பதோடுபுற்றுநோய் செல்களையும் தாக்கி அழிக்கும் தன்மை கொண்டது.
நீரிழிவு ஆபத்தை குறைக்கும் பேரிக்காய்
பேரிக்காய் நீரிழிவு நோயாளிகள் சாப்பிட ஏற்ற பழம் என்பதைத் தாண்டி நீரிழிவு ஏற்படாமல் தடுக்கவும் நீரிழிவைக் கட்டுப்படுத்தவும் பேரிக்காய் உதவி செய்யும்.
ஒரு வாரத்திற்கு 5 பேரிக்காய் சாப்பிடுபவர்களுக்கு அதிலுள்ள ஆந்தோசயனின்கள் டைப் 2 நீரிழிவு ஏற்படுவதை தடுக்கும் வேலையைச் செய்யும்.
எடையைக் குறைக்க உதவி செய்யும் பேரிக்காய்
உடல் எடையைக் குறைப்பவர்கள் டயட்டில் சேர்த்துக் கொள்ள வேண்டிய மிக முக்கியமான பழங்களில் ஒன்று இந்த பேரிக்காய்.
பேரிக்காயில் நார்ச்சத்தும் நீர்ச்சத்தும் தான் அதிகம் என்பதால் உடலை நீர்ச்சத்து குறையாமல் பார்த்துக் கொள்ளும். நீண்ட நேரம் பசியைக் கட்டுப்படுத்தி வைத்திருக்கும். வயிறு நிரம்பிய உணர்வைக் கொடுத்து உடல் எடை குறையும்.