‘சந்திரமுகி 2’ படத்தில் ரஜினி?

‘சந்திரமுகி 2’ படம் உருவாகி ரிலீசுக்கு தயாராகவுள்ள நிலையில், ரஜினி இந்தப்படத்தில் நடிக்காமல் போனது குறித்து நேர்காணல் ஒன்றில் வெளிப்படையாக பேசியுள்ளார் இயக்குனர் பி. வாசு.

பி. வாசு இயக்கத்தில் உருவாகி ரிலீசுக்கு தயாராக இருக்கும் படம் ‘சந்திரமுகி 2’. சில ஆண்டுகளுக்கு முன்பாகவே ரஜினி நடிப்பில் உருவாக இருந்த இந்தப்படம் தற்போது ராகவா லாரன்ஸ் நடிப்பில் உருவாகியுள்ளது. இந்தப்படத்தின் ரிலீசுக்காக ரசிகர்கள் ஆர்வமுடன் காத்திருக்கின்றனர். இந்நிலையில் அண்மையில் ‘சந்திரமுகி 2’ படத்தின் இசை வெளியீட்டு விழா பிரம்மாண்டமாக நடந்து முடிந்தது.

கடந்த 2005 ஆம் ஆண்டு வெளியாகி பிரம்மாண்ட வெற்றியை பெற்ற படம் ‘சந்திரமுகி’. சூப்பர் ஸ்டார் ரஜினிகாந்த், ஜோதிகா, வைகைப்புயல் வடிவேலு, நயன்தாரா, பிரபு, நாசர், மாளவிகா மோகனன் உள்ளிட்ட பலர் இந்தப்படத்தில் நடித்திருந்தனர். ரஜினியின் மாஸ், ஜோதிகாவின் மிரட்டலான நடிப்பில் வெளியான ‘சந்திரமுகி’ படம் 300 நாட்களுக்கு மேல் திரையரங்குகளில் ஓடி மாபெரும் வெற்றியை பெற்றது.

இந்நிலையில் இந்தப்படத்தின் இரண்டாம் பாகத்திற்கான இசை வெளியீட்டு விழா அண்மையில் நடைபெற்றது. இதனிடையில் அண்மையில் நேர்காணல் ஒன்றில் பேசிய இயக்குனர் பி. வாசு, சந்திரமுகி 2 படம் படத்திற்காக கடந்த 2006 ஆண்டே வேட்டையன் கேரக்டரை லதா ரஜினிகாந்த் டெவலப் பண்ண சொல்லி இருந்தார். அதுதான் ‘சந்திரமுகி 2’ படத்திற்கான இன்ஸ்பிரேஷன்.

நானும் கதை எல்லாம் ரெடி பண்ணேன். அதனை தொடர்ந்து கன்னடத்தில் ஆப்தமித்ரா மாதிரி பண்ணிடுங்க. அதுக்கப்புறம் தமிழில் பண்ணுவோம் என ரஜினி சொன்னார். கன்னடத்தில் விஷ்ணுவை வைத்து ஆப்தரக்ஷகா என்ற பெயரில் எடுக்கப்பட்ட அந்தப்படம் சூப்பர் ஹிட்டடித்தது. அதன்பின்னர் தமிழில் வரும் போது ரஜினி ஷங்கர் இயக்கத்தில் ‘எந்திரன்’ படத்தில் நடித்து கொண்டிருந்தார்.

ஒரு ஆண்டுகளுக்கு மேலே போனதால் ரஜினியும் படம் எப்போது முடியும் என்று தெரியவில்லை என கூறினார். இதுபோன்ற காரணங்களால் ‘சந்திரமுகி 2’ படம் துவங்கப்படாமலே இருந்தது. இல்லையென்றால் அப்பவே வேட்டையன் ராஜாவாக ‘சந்திரமுகி 2’ படம் வெளியாகி இருக்கும்.

அதன்பின்னர் தான் தானாகவே 12 நாட்கள் கொடுத்து ‘குசேலன்’ படத்தில் நடித்தார். ஆனால் அந்தப்படம் அவருடைய படம் என சொல்லி விளம்பரப்படுத்தியது அவருக்கு வருத்தத்தை ஏற்படுத்தியது. தற்போது குசேலன் படத்தை ரசிகர்கள் கொண்டாடுகிறார்கள். இவ்வாறு அந்த பேட்டியில் பேசியுள்ளார் இயக்குனர் பி. வாசு.

பி. வாசுவின் 65 படமாக உருவாகியுள்ள ‘சந்திரமுகி 2’ படத்தில் வேட்டையன் ராஜாவாக ராகவா லாரன்ஸ், சந்திரமுகியாக கங்கனா ரனாவத் நடித்துள்ளனர். மேலும், வடிவேலு, ராதிகா சரத்குமார், லட்சுமி மேனன், மகிமா நம்பியார், சிருஷ்டி டாங்கே உள்ளிட்ட பலர் இந்தப்படத்தில் இணைந்து நடித்திருக்கின்றனர். லைகா நிறுவனம் தயாரித்துள்ள ‘சந்திரமுகி 2’ படம் செப்டம்பர் மாதம் விநாயகர் சதுர்த்தியை முன்னிட்டு ரிலீசாகவுள்ளது குறிப்பிடத்தக்கது.