‘ஜெயிலர்’ வசூல் வேட்டைக்கு மத்தியில் மூன்று நாட்களில் கோடிகளை அள்ளிய ‘குஷி’: எவ்வளவு தெரியுமா.?

கடந்த மாதம் வெளியான ‘ஜெயிலர்’ வசூல் வேட்டைக்கு மத்தியில் விஜய் தேவரகொண்டா, சமந்தா நடிப்பில் வெளியான ‘குஷி’ படம் வசூலை வாரி குவித்துள்ளது.

கடந்த வாரம் விஜய் தேவரகொண்டா, சமந்தா நடிப்பில் வெளியான படம் ‘குஷி’. ரசிகர்களிடையில் இந்தப்படம் நல்ல வரவேற்பை பெற்று வருகிறது. இந்தப்படத்தில் இவர்கள் இருவருக்கும் இடையேயான கெமிஸ்ட்ரி காட்சிகளும் செம்மையாக வந்துள்ளதாகவும் ரசிகர்கள் பாராட்டி வருகின்றனர். இந்நிலையில் ‘குஷி’ படத்தின் வசூல் குறித்த அதிகாரப்பூர்வ அறிவிப்பு வெளியாகியுள்ளது.

தென்னிந்திய சினிமா ரசிகர்கள் மத்தியில் ‘அர்ஜுன் ரெட்டி’ படம் மூலமாக பரிட்சயமானவர் விஜய் தேவரகொண்டா. இதனையடுத்து ராஷ்மிகா மந்தானாவுடன் இவர் இணைந்து நடித்த ‘கீதா கோவிந்தம்’ படமும் ரசிகர்களிடையே நல்ல வரவேற்பினை பெற்றது. இதனையடுத்து பெரும் எதிர்பார்ப்புகளுக்கு மத்தியில் விஜய் தேவரகொண்டா நடிப்பில் வெளியான ‘லைகர்’ படம் ஏகப்பட்ட ட்ரோல்களில் சிக்கியது.

இந்நிலையில் தான் ‘குஷி’ படத்தில் நடித்தார் விஜய் தேவரகொண்டா. இந்தப்படத்தில் அவருக்கு ஜோடியாக சமந்தா நடித்தார். இதனாலே இந்தப்படம் மீதான எதிர்பார்ப்பு ரசிகர்கள் மத்தியில் எகிறியது. இரண்டு பேருக்குமான கெமிஸ்ட்ரி படத்தில் எப்படி இருக்கும் என்பதை அறிய ரசிகர்கள் ஆர்வமுடன் இருந்தனர். இடையில் வெளியான படத்தின் பாடல்களும் நல்ல வரவேற்பை பெற்றது.

இந்நிலையில் தான் கடந்த 1 ஆம் தேதி ‘குஷி’ படம் திரையரங்குகளில் வெளியானது. ரொமாண்டிக் ஜானரில் லவ் ஸ்டோரியாக வெளியான இந்தப்படத்திற்கு விமர்சகர்கள் மத்தியில் பெரிதான வரவேற்பு இல்லை. ஆனாலும் திரையரங்குகளில் படத்திற்கு நல்ல வரவேற்பு கிடைத்துள்ளது. அந்த வகையில் ‘குஷி’ ரிலீசான 3 நாட்களில் உலக அளவில் ரூ.70.23 கோடி வரை வசூலித்துள்ளது.

இதனை படக்குழு அதிகாரப்பூர்வமாக அறிவித்துள்ளது. மைத்ரி மூவி மேக்கர்ஸ் நிறுவனத்தின் தயாரிப்பில் உருவான ‘குஷி’ படத்தில் விஜய் தேவரகொண்டா மற்றும் சமந்தாவுடன் சரண்யா பொன்வண்ணன், வெண்ணிலா கிஷோர், லஷ்மி, ரோகினி உள்ளிட்ட பலர் நடித்திருந்தனர். தமிழ், மலையாளம், இந்தி மற்றும் கன்னடம் ஆகிய மொழிகளில் இந்தப்படம் உருவாகி இருந்தது.

‘ஜெயிலர்’ படத்திற்கு பிறகு வெளியான எந்த படங்களும் ரசிகர்களிடையே அந்தளவிற்கு வரவேற்பை பெறவில்லை. இந்நிலையில் ‘ஜெயிலர்’ படத்தினுடைய வசூல் வேட்டைக்கு மத்தியில் ‘குஷி’ படம் உலகளவில் ரூ.70.23 கோடி வசூலித்துள்ளது. விரைவில் இப்படம் ரூ. 100 கோடி கிளப்பிலும் இணையும் என எதிர்பார்க்கப்படுகிறது.