பிரபல நகைச்சுவை நடிகர் வடிவேலுவின் சகோதரர் ஜெகதீஸ்வரன் உடல்நலக்குறைவு காரணமாக காலமாகியுள்ளார்.
தமிழ் சினிமாவில் முன்னணி காமெடி நடிகராக கலக்கி வருபவர் வடிவேலு. கோலிவுட் சினிமாவின் உச்ச நட்சத்திரங்கள் அனைவருடனும் இணைந்து நடித்துள்ள வடிவேலு, தற்போது தனது இரண்டாவது இன்னிங்ஸில் கலக்கி வருகிறார். இந்நிலையில் நடிகர் வடிவேலுவின் சகோதரர் ஜெகதீஸ்வரன் காலமாகியுள்ளர்.
நடிகர் வடிவேலுவின் சகோதரரான ஜெகதீஸ்வரன் கல்லீரல் பிரச்சனை காரணமாக மருத்துவமனையில் சிகிச்சை பெற்று வந்தார். இந்நிலையில் சிகிச்சை பலனின்றி அவர் காலமாகியுள்ளார். 55 வயதான ஜெகதீஸ்வரன் மறைவால் வடிவேலுவின் குடும்பத்தினர் சோகத்தில் ஆழ்ந்துள்ளனர்.
நடிகர் வடிவேலுவின் சகோதரர் சிம்புவின் காதல் அழிவதில்லை, மலைக்கோவில் தீபம் உள்ளிட்ட சில படங்களில் நடித்துள்ளார். அதன்பின்னர் தொடர்ந்து நடிக்காத ஜெகதீஸ்வரன், மதுரையில் ஜவுளி வியாபாரம் செய்து வந்துள்ளார். இந்நிலையில் சில மாதங்களாக கல்லீரல் பாதிப்பால் அவர் அவதிப்பட்டு வந்தார்.
இதனையடுத்து சிகிச்சை பலனின்று விரகனூரில் உள்ள அவரது வீட்டில் காலமானார் ஜெகதீஸ்வரன். நடிகர் வடிவேலுவிற்கு இரண்டு தங்கைகளும், மூன்று தம்பிகளும் உள்ளனர். முன்னதாக வடிவேலுவின் தாயார் கடந்த ஜனவரி மாதம் வயது முதிர்வு காரணமாக காலமானார்.
இந்நிலையில் அவரது தம்பியும் தற்போது உயிரிழந்துள்ளது வடிவேலு குடும்பத்தினர் மத்தியில் சோகத்தை ஏற்படுத்தியுள்ளது. இதனையடுத்து சமூக வலைத்தள பக்கத்தில் வடிவேலுவின் சகோதரர் ஜெகதீஸ்வரன்
மறைவிற்கு பலரும் இரங்கல் தெரிவித்து வருகின்றனர்.