விஜய் தற்போது தளபதி 68 படத்திற்காக தயாராகி வருகின்றார். இதைத்தொடர்ந்து தளபதி விஜய் ஷங்கரின் இயக்கத்தில் அவரின் ஸ்டைலில் நடிக்க விரும்புவதாக கூறிய பழைய வீடியோ இணையத்தில் வைரலாகி வருகின்றது
விஜய் தற்போது லோகேஷ் கனகராஜின் இயக்கத்தில் லியோ திரைப்படத்தில் நடித்து முடித்துள்ளார். இப்படத்தின் போஸ்ட் ப்ரொடக்ஷன் வேலைகள் தற்போது விறுவிறுப்பாக நடைபெற்று வருகின்றது. இதையடுத்து அக்டோபர் 19 ஆம் தேதி இப்படம் உலகம் முழுவதும் திரையில் வெளியாகின்றது.
லியோ படத்தை தொடர்ந்து விஜய் வெங்கட் பிரபுவின் இயக்கத்தில் தளபதி 68 படத்தில் நடிக்க இருக்கின்றார். தற்போது தளபதி 68 படத்திற்கான ப்ரீ ப்ரொடக்ஷன் வேலைகளில் களமிறங்கியுள்ளார் தளபதி. அநேகமாக அக்டோபர் அல்லது நவம்பர் மாதம் இப்படத்தின் படப்பிடிப்பு துவங்கும் என எதிர்பார்க்கப்படுகின்றது.
சமீபத்தில் தான் இப்படத்தின் லுக் டெஸ்ட்டிற்காக விஜய் லாஸ் ஏஞ்சல்ஸ் சென்றிருந்தார். அங்கு எடுக்கப்பட்ட தளபதியின் புகைப்படங்களை இயக்குனர் வெங்கட் பிரபு வெளியிட்டு வைரலாக்கினார். இந்நிலையில் தளபதி 68 படத்திற்கு பிறகு விஜய் அரசியலில் களமிறங்குவார் என்றும், அதன் காரணமாக நடிப்பில் இருந்து ஒரு சிறிய கேப் எடுக்கப்போகின்றார் என்றும் பேச்சுக்கள் போய்க்கொண்டிருக்கின்றன. ஆனால் இது உண்மையா இல்லை வதந்தியா என்பது பற்றி தெரியவில்லை.
இது ஒருபக்கம் இருக்க தளபதி 69 படத்தை இயக்கப்போவது யார் என்ற பேச்சும் போய்க்கொண்டிருக்கின்றன. ஒரு சிலர் அட்லி தான் தளபதியின் 69 ஆவது படத்தை இயக்கப்போகின்றார் என சொல்கின்றனர். மேலும் ஒரு சிலரோ பிரம்மாண்ட இயக்குனர் ஷங்கர் விஜய்யை வைத்து ஒரு படத்தை இயக்கவுள்ளார் என்கின்றனர். இந்நிலையில் விஜய் இயக்குனர் ஷங்கரின் இயக்கத்தில் நடித்தால் சிறப்பாக இருக்குமே என்பது தான் ஒட்டுமொத்த ரசிகர்களின் ஆசையாக இருக்கின்றது.
அப்போது விஜய் பேசுகையில், நான் ஷங்கரின் இயக்கத்தில் நண்பன் என்ற படத்தில் நடித்துள்ளேன். இருந்தாலும் நண்பன் ரீமேக் திரைப்படம். எனவே ஷங்கரின் ஸ்டைலில் ஒரு படத்தில் நடிக்க எனக்கு ஆசையாக இருக்கின்றது. அதற்காக காத்துக்கொண்டிருக்கிறேன் என பேசினார் விஜய்.
Discussion about this post