காமினி லொகுகே: வங்கி மற்றும் நிதிச் சேவைகளுக்கான நாடாளுமன்றக் குழுவின் புதிய தலைவர்
வங்கி மற்றும் நிதி சேவைகள் குழுவின் புதிய தலைவராக நாடாளுமன்ற உறுப்பினர் காமினி லொகுகே ஏகமனதாக தெரிவு செய்யப்பட்டுள்ளார்.
ஒன்பதாவது பாராளுமன்றத்தின் ஐந்தாவது அமர்வுக்கான வங்கி மற்றும் நிதி சேவைகள் தொடர்பான குழுவின் புதிய தலைவராக பாராளுமன்ற உறுப்பினர் காமினி லொக்குகே ஏகமனதாக தெரிவு செய்யப்பட்டுள்ளார். ஒன்பதாவது பாராளுமன்றத்தின் ஐந்தாவது அமர்வுக்கான வங்கி மற்றும் நிதிச் சேவைகள் தொடர்பான குழுவின் முதலாவது கூட்டம் நேற்று (01) இடம்பெற்றது.
காமினி லொகுகேவின் பெயர் நாடாளுமன்ற உறுப்பினர் கோகிலா குணவர்தனவினால் முன்மொழியப்பட்டதுடன், நாடாளுமன்ற உறுப்பினர் உதய கம்மன்பிலவினால் உறுதிப்படுத்தப்பட்டது. ஒன்பதாவது பாராளுமன்றத்தின் நான்காவது அமர்வில் காமினி லொகுகே இந்தக் குழுவிற்கு தலைமை தாங்கினார். கூட்டத்தில் உரையாற்றிய தவிசாளர், கடந்த அமர்வின் போது இந்தக் குழுவிற்கு ஆதரவளித்த அனைத்து நாடாளுமன்ற உறுப்பினர்களுக்கும் தனது நன்றியைத் தெரிவித்ததுடன், எதிர்காலத்திலும் குழுவிற்கு அனைத்து உறுப்பினர்களும் தொடர்ந்து ஆதரவளிப்பார்கள் என எதிர்பார்ப்பதாகவும் தெரிவித்தார். மேலும், இந்தக் குழு கூட்டுறவுத் துறையில் அதிக கவனம் செலுத்தியதாகவும், கூட்டுறவு நிதித்துறையின் முன்னேற்றம் மற்றும் நெருக்கடிகளைத் தீர்ப்பதற்கான பரிந்துரைகள் அடங்கிய அறிக்கை எதிர்காலத்தில் நாடாளுமன்றத்தில் சமர்ப்பிக்கப்படும் என்றும் புதிய தலைவர் கூறினார்.
Discussion about this post