உங்க படம் வருதே அண்ணா..பயமா இருக்கே..ஓப்பனாக பேசிய தனுஷ்..வாய்விட்டு சிரித்த தளபதி..!

உங்க படம் வருதே அண்ணா..பயமா இருக்கே..ஓப்பனாக பேசிய தனுஷ்..வாய்விட்டு சிரித்த தளபதி..!

தமிழ் சினிமாவில் தற்போது இருக்கும் இளம் நடிகர்கள் பலருக்கு வழிகாட்டியாக இருந்து வருகின்றார் விஜய். இவர் அறிமுகமான காலகட்டத்தில் பல அவமானங்களையும், தோல்விகளையும் சந்தித்து தன் கடின உழைப்பால் இன்று இந்த இடத்தை அடைந்த தளபதியை ரோல் மாடலாக வைத்து பல இளைஞர்கள் சினிமா துறைக்கு தற்போது வருகின்றனர்.

அந்த அளவிற்கு பலருக்கும் ஒரு எடுத்துக்காட்டாக இருக்கும் விஜய் தற்போது லோகேஷ் கனகராஜ் இயக்கத்தில் லியோ படத்தில் நடித்து வருகின்றார். இப்படத்தின் படப்பிடிப்பு தற்போது இறுதிக்கட்டத்தை எட்டியுள்ளது. இதைத்தொடர்ந்து வெங்கட் பிரபு இயக்கத்தில் தளபதி 68 படத்தில் நடிக்கவுள்ளார் விஜய்.

இதன் அறிவிப்பு சில நாட்களுக்கு முன்பு வெளியான நிலையில் இப்படத்தின் பூஜை ஜூன் 22 ஆம் தேதி விஜய்யின் பிறந்தநாளை முன்னிட்டு துவங்கவுள்ளதாக தெரிகின்றது. தற்போது இப்படத்தின் கதையை தயார் செய்யும் பணியில் தீவிரமாக ஈடுபட்டு வருகின்றார் வெங்கட் பிரபு.

இவர்களின் கூட்டணி தளபதி 68 மூலம் முதல்முறையாக இணையவுள்ளதால் ரசிகர்களின் எதிர்பார்ப்பு அதிகரித்துள்ளது. இந்நிலையில் சமீபகாலமாக விஜய்யின் படங்கள் வெளியாகும் அதே சமயத்தில் மற்ற நடிகர்களின் படங்கள் வெளியாக தயக்கம் காட்டி வருகின்றன. அதற்கு காரணம் விஜய்யின் படங்கள் செய்யும் வசூல் சாதனைகள் தான்.

என்னதான் படத்தின் விமர்சனம் சுமாராக இருந்தாலும் வசூலில் அடித்து நொறுக்கி வருகின்றன. அதன் காரணமாகவே மற்ற நடிகர்கள் தங்கள் படத்தை விஜய்யின் படத்தோடு வெளியிட தயக்கம் காட்டி வருகின்றனர். ஆனால் நடிகர் தனுஷ் பலமுறை விஜய்யின் படத்தோடு தன் படத்தை வெளியிட்டுள்ளார்.

வெளியிட்டது மட்டுமல்லாமல் வெற்றியும் கண்டுள்ளார். பொல்லாதவன் படத்தை அழகிய தமிழ் மகன் படத்தோடு வெளியிட்டார் தனுஷ். அதே போல ஆடுகளம் திரைப்படம் காவலன் படத்தோடு வெளியானது. இந்நிலையில் 2009 ஆம் ஆண்டு பொங்கலுக்கு விஜய்யின் வில்லு திரைப்படமும் தனுஷின் படிக்காதவன் திரைப்படமும் ஒரே சமயத்தில் வெளியானது.

அப்போது ஒரு டிவி நிகழ்ச்சியில் விஜய் பங்கேற்றிருந்தனர். அந்த நிகழ்ச்சியில் தனுஷ் விஜய்யுடன் போனில் உரையாடினார். அப்போது பேசிய விஜய், உங்க படிக்காதவன் படத்திற்கும் எனது வாழ்த்துக்கள் என்றார். இதைக்கேட்ட தனுஷ், வில்லு வருதே அண்ணா, நாங்கல்லாம் என்ன பண்றது, செம பயத்தில் இருக்கோம் என செம ஜாலியாக ஓப்பனாக பேசினார் தனுஷ்.

இதைக்கேட்ட விஜய் வாய்விட்டு சிரித்தார். இந்நிலையில் வில்லு படத்துடன் வெளியான படிக்காதவன் மாஸ் ஹிட்டடித்தது. கிட்டத்தட்ட பல் வருடங்களுக்கு முன்பு நடைபெற்ற இந்நிகழ்ச்சி தற்போது ரசிகர்களிடம் பரவலாக பேசப்பட்டு வருகின்றது குறிப்பிடத்தக்கது.