உங்க வயசுக்கு நீங்க இப்படி பண்ணலாமா சார் ? வம்பிழுத்த மாறன்..பதிலடி கொடுத்த தயாரிப்பாளர்..!

சிவகார்த்திகேயன் நடிப்பில் அஸ்வினின் இயக்கத்தில் ஜூலை 14 ஆம் தேதி மாவீரன் திரைப்படம் வெளியாகின்றது. இதையடுத்து இப்படத்தின் தயாரிப்பாளரான அருண் விஸ்வா விமர்சகர் மாறனுக்கு தரமான பதிலடி ஒன்றை கொடுத்துள்ளார்

சிவகார்த்திகேயன் நடிப்பில் அஸ்வினின் இயக்கத்தில் உருவான திரைப்படம் தான் மாவீரன். அதிதி ஷங்கர் இப்படத்தில் நாயகியாக நடிக்க மிஸ்கின் வில்லன் கதாபாத்திரத்தில் நடித்துள்ளார். மண்டேலா என்ற தேசிய விருது பெற்ற படத்தை இயக்கிய அஸ்வின் சிவகார்த்திகேயனுடன் மாவீரன் படத்தில் இணைந்தது ரசிகர்கள் மத்தியில் எதிர்பார்ப்பை ஏற்படுத்தியுள்ளது. இதையடுத்து கடந்தாண்டு துவங்கப்பட்ட இப்படத்தின் படப்பிடிப்பு முடிவடைந்து தற்போது ரிலீசுக்காக தயாராகி வருகின்றது. இந்நிலையில் இப்படம் ஜூலை 14 ஆம் தேதி திரையில் வெளியாகவுள்ளது

​குட்டி ரஜினி

மாவீரன் படத்தின் ப்ரீ ரிலீஸ் நிகழ்ச்சி சில தினங்களுக்கு முன்பு நடைபெற்றது. இந்நிகழ்ச்சியில் பேசிய சரிதா, நான் ரஜினியுடன் சில படங்களில் நடித்துள்ளேன். தற்போது சிவகார்த்திகேயனுடன் மாவீரன் படத்தில் நடிக்கும்போது அவரை பார்த்தால் எனக்கு ரஜினியின் ஞாபகம் தான் வருகின்றது. எனவே தான் நான் சிவகார்த்திகேயனை குட்டி ரஜினி என அழைப்பேன் என்றார். மேலும் இவ்விழாவில் பேசிய மிஷ்கினும் சிவகார்த்திகேயனை ரஜினியுடன் ஒப்பிட்டு பேசினார். இந்நிலையில் சிவகார்த்திகேயனை ரஜினியுடன் ஒப்பிட்டு பேசியது சிவகார்த்திகேயன் ரசிகர்களை குஷியில் ஆழ்த்தியுள்ளது. மேலும் மாவீரன் படத்தில் சிவகார்த்திகேயனின் கெட்டப் தளபதி படத்தில் ரஜினியின் கெட்டப்பை போல இருப்பதாகவும் ரசிகர்கள் தங்கள் கருத்துக்களை தெரிவித்து வருகின்றனர்

​வித்யாசம்

மாவீரன் திரைப்படம் கண்டிப்பாக சிவகார்த்திகேயன் படங்களிலேயே வித்யாசமான படமாக இருக்கும் என எதிர்பார்க்கப்படுகின்றது. பாண்டஸி கலந்த ஆக்ஷன் படமாக மாவீரன் திரைப்படம் உருவாகியுள்ளது. இதில் முற்றிலும் மாறுபட்ட வித்யாசமான நடிப்பை வெளிப்படுத்தியுள்ளார் சிவகார்த்திகேயன். மேலும் இப்படத்தின் எமோஷனல் காட்சிகளில் சிவகார்த்திகேயன் செமையாக ஸ்கோர் செய்துள்ளாராம். எனவே இப்படத்தின் மூலம் நாம் வித்யாசமான சிவகார்த்திகேயனை பார்க்கலாம் என படக்குழு தெரிவித்துள்ளது. இந்நிலையில் மாவீரன் படத்தின் ட்ரைலர் வெளியாகி ரசிகர்களின் வரவேற்பை பெற்று வரும் நிலையில் யூடூப்பிலும் பல சாதனைகளை செய்து வருகின்றது என்பது குறிப்பிடத்தக்கது

​பதிலடி கொடுத்த தயாரிப்பாளர்

இந்நிலையில் மாவீரன் படத்தின் தயாரிப்பாளர் அருண் விஸ்வா விமர்சகர் ப்ளூ சட்டை மாறனுக்கு தரமான பதிலடி ஒன்றை கொடுத்துள்ளார். அதாவது மாவீரன் படம் வெளியாகும் அதே சமயத்தில் டாம் க்ரூஸ் நடித்த MISSION IMPOSSIBILE திரைப்படமும் வெளியாகின்றது. மேலும் இப்படத்தின் முன்பதிவு நிரம்பி வருகின்றது எனவும் ஒரு பதிவை போட்டிருந்தார் மாறன். இதற்கு மாவீரன் தயாரிப்பாளர், எனக்கு என் படம் தான் MISSION IMPOSSIBILE, அவதார், RRR எல்லாமே. உங்க வயசுக்கு நீங்க இப்படி பண்ணக்கூடாது சார் என பதிலடி கொடுத்துள்ளார். இதையடுத்து ரசிகர்கள் அனைவரும், இவர் இப்படி தான் சார், நீங்க கண்டுக்காதிங்க என மாவீரன் தயாரிப்பாளருக்கு ஆதரவாக கமன்ட் செய்து வருகின்றனர் என்பது குறிப்பிடத்தக்கது