புத்தளம் – மதுரங்குளி ATM இயந்திரத்தில் இருந்து, ஒரு கோடி பணத்தை கொள்ளையடித்தவர்கள் சிக்கினர்…

மதுரங்குளி 10 ஆம் கட்டை பகுதியில் அமைந்துள்ள தனியார் வங்கிக்கு சொந்தமான தானியங்கி பணப்பரிமாற்ற ATM இயந்திரத்தில் இருந்து,

ஒரு கோடி ரூபாவிற்கும் அதிகமான பணம் கொள்ளை அடிக்கப்பட்ட சம்பவம் தொடர்பில் விசாரணைகளை மேற்கொண்ட புத்தளம் குற்றப் புலனாய்வுப் பிரிவினர்,

மற்றும் மதுரங்குளிய பொலிஸ் உத்தியோகத்தர்கள் எடுத்த முயற்சியில் நேற்று (17) திருடப்பட்ட பணத்துடன் சந்தேகநபர்கள் கைது செய்யப்பட்டுள்ளனர்.

கைது செய்யப்பட்ட மூன்று சந்தேக நபர்களில் இருவர் வங்கியில் உள்ள ATM இயந்திரங்களில் பணம் நிரப்பும் பாதுகாப்பு நிறுவனத்தில் பணிபுரியும் இருவர் அடங்குவதாகவும்,

இந்த பணத் திருட்டுக்கு திட்டமிட்ட மூளைசாலியும் அடங்குவதாக பொலிஸார் குறிப்பிட்டுள்ளனர்.

பணம் செலுத்தும் இயந்திரங்களை திறப்பதற்கு பயன்படுத்தப்படும் சாவிகள் கூட அவர்கள் பணிபுரியும் நிறுவனத்தில் இருந்து திருடப்பட்டுள்ளதாகவும்,

சம்பந்தப்பட்ட நிறுவனம் இலங்கையில் பிரபலமான நிறுவனம் எனவும் உயர் பொலிஸ் அதிகாரி ஒருவர் தெரிவித்தார்.

இரண்டு பேர் மட்டுமே இந்த பணத் திருட்டுக்கு வந்துள்ளதாகவும், தலைமறைவானவர் வரவில்லை என்றும், அவர் திட்டமிட்டு இந்த திருட்டுக்கு வழிவகுத்துள்ளதாகவும் போலீசார் கூறுகின்றனர்.

இந்த திருட்டில் பங்குபற்றிய வாகன பராமரிப்பு நிறுவனத்தில் பணிபுரியும் தமது நண்பருடன் ஒரு ஊழியர் வந்து இந்த திருட்டைச் செய்துள்ளதாக அதிகாரி தெரிவித்தார்.

இந்தத் திருட்டுக்கு வழிவகுத்தவர் ATM இயந்திரங்களில் பணத்தை வைப்பதற்கு பாதுகாப்புத் துறையில் பணிபுரியும் மூளையாக செயல்பட்டவர் அனுராதபுரத்தைச் சேர்ந்தவர் என்றும் மற்றையவர் கல்கமுவ, அஹெதுவெவ பகுதியைச் சேர்ந்தவர் என்றும் பொலிஸார் தெரிவிக்கின்றனர்.

வாகன பராமரிப்பு திணைக்களத்தில் பணிபுரியும் நபர் கட்டுஸ்தோட்டையை வசிப்பிடமாகக் கொண்டவர்.

குறித்த நபர் அநுராதபுரத்தில் உள்ள பிரதான வாகன பராமரிப்பு நிறுவனம் ஒன்றில் பணிபுரிந்து வருவதாகவும் அதன் ஊடாக இந்த இரண்டு சந்தேக நபர்களும் அவருக்கு தெரிய வந்துள்ளதாகவும் விசாரணையில் தெரியவந்துள்ளது.

சந்தேகநபர், கல்கமுவைச் சேர்ந்த வாகனப் பராமரிப்புப் பணியாளரும், கடந்த 7ஆம் திகதி இரவு, பயணிகள் பேருந்தில் வந்து மதுரங்குளியில் பணம் செலுத்தும் இயந்திரத்தில் இருந்த பணத்தை திருடியுள்ளனர்.

ATM மிஷினில் ஏற்பட்ட பழுதை சரிசெய்ய வந்த பணியாளர்கள் போல் நடித்து, ATM மெஷினின் சாவடியின் பின்பக்க கதவை திறந்து,

தாங்கள் கொண்டு வந்த சாவியால், பூட்டை திறந்து, ரகசிய குறியீட்டு எண்ணை பயன்படுத்தி, இருவரும் இந்த திருட்டை செய்துள்ளனர்.

திருடப்பட்ட தொகை கிட்டத்தட்ட ரூபா 105 லட்சம் என கணக்கிடப்பட்டது.

திருட்டு நடந்த 10 நிமிடங்களில் மதுரங்குளிய காவல்துறை அதிகாரிகள் அங்கு வந்துள்ளனர்,

ஆனால் அதற்குள் இருவரும் பஸ்சில் ஏறி தப்பி ஓடிவிட்டனர். என விசாரணையில் தெரிய வந்தது.

மதுரங்குளிய பொலிஸ் நிலையப் பொறுப்பதிகாரி உள்ளிட்ட அதிகாரிகள் முதற்கட்ட விசாரணைகளை ஆரம்பித்ததுடன்,

மேலதிக விசாரணைகள் புத்தளம் பிரிவு குற்றப் புலனாய்வுப் பிரிவின் கீழ் வைக்கப்பட்டன.

இதன்படி, கொள்ளைச் சம்பவம் இடம்பெற்று 10 நாட்களுக்குள், கொள்ளைக்கு தலைமை தாங்கிய இரண்டு பிரதான சந்தேக நபர்களும், அவர்களுக்கு உதவிய சந்தேக நபர் ஒருவரும் கைது செய்யப்பட்டுள்ளனர்.

அதன்படி, கொள்ளையை நடத்திய சம்பந்தப்பட்ட தனியார் செக்யூரிட்டி நிறுவன ஊழியர்கள் இருவர் மற்றும் அவர்களது நண்பரும் யாருக்கும் சந்தேகம் வராமலும் தாம் மாட்டிப்படாமலும் இருக்க,

பயணிகள் போக்குவரத்துப் பேருந்துகள் மூலம் சம்பந்தப்பட்ட இடத்துக்கு வந்து கொள்ளையை மிகக் கவனமாக நடத்திவிட்டு அங்கிருந்து வெளியேறியது விசாரணையில் உறுதியானது.

பிடிப்பட்டவர்களிடம் 92 லட்சத்து எழுபத்தி ஏழாயிரம் மட்டுமே இருந்தது.

கைதுசெய்யப்பட்ட சந்தேகநபர்கள் மற்றும் பணப் கையிருப்புடன் கொள்ளைக்காக அவர்கள் கொண்டு வந்த உபகரணங்களும் கைப்பற்றி பொலிஸ் நிலையத்தில் வைக்கப்பட்டது.

மேலதிக விசாரணைகளுக்காக மதுரங்குளிய பொலிஸ் நிலையத்தில் விளக்கமறியலில் வைக்கப்பட்டுள்ளனர்.