மகிந்தவை பதவி விலக கோரும் சஜித்

மகிந்த தேசப்பிரிய நீங்கள் உண்மையான சோசலிஸ்டாக இருந்தால், நீங்கள் உண்மையிலேயே நாட்டை நேசிப்பவராக இருந்தால், தேர்தலை ஒத்திவைப்பதற்காக உருவாக்கப்பட்ட பதவியிலிருந்து தயவு செய்து இராஜினாமா செய்யுங்கள். உங்களால் அரசாங்கத்திற்கு சவால் விட முடியுமானால் தேர்தலை நடத்துங்கள் தற்போதைய அரசாங்கத்தின் மீதான மக்கள் தீர்ப்பை எதிர்பார்த்து இந்நாட்டில் உள்ள 220 இலட்சம் மக்கள் காத்திருக்கின்றனர் என எதிர்க்கட்சித் தலைவர் சஜித் தெரிவித்துள்ளார்.

ஐக்கிய மக்கள் சக்தியின் அனுராதபுரம் மாவட்ட மாவட்டக் குழுக் கூட்டத்தில் நேற்று (05) உரையாற்றும் போதே அவர் மேற்கண்டவாறு தெரிவித்தார்.
இதன்போது, ​​முன்னாள் அமைச்சர்களான கயந்த கருணாதிலக, விஜித் விஜிதமுனி சொய்சா, இம்தியாஸ் பாக்கீர் மார்க்கர், பி ஹரிசன், ராஜித சேனாரத்ன, உட்பட பலர் கலந்துகொண்டிருந்தனர்
இங்கு அவர் தொடர்ந்து பேசுகையில்
நாட்டை பேரழிவு நிலைக்கு கொண்டு வந்த ராஜபக்சக்கள் சிலரின் உந்துதலால் மீண்டும் எழ முயற்சிக்கின்றனர். விரைவில் நடைபெறவுள்ள தேர்தலில் ராஜபக்சேவுக்கு நல்ல செய்தியை வழங்க நாட்டு மக்கள் காத்திருக்கின்றனர்.

நாட்டை அழித்து சாம்பலாக்கிய ராஜபக்சேக்கள் எழுந்து நிற்க முயலும் போது தற்போதைய ஜனாதிபதி அவர்களுக்கு ஒக்ஸிஜன் கொடுக்கிறார். இந்த நேரத்தில் அரசாங்கத்திற்கு சவால் விடுங்கள், தேர்தலை நடத்துங்கள், இந்த நாட்டில் 220 இலட்சம் மக்கள் உள்ளனர். தற்போதைய அரசாங்கம் மீதான மக்கள் தீர்ப்புக்காக காத்திருக்கிறார்கள்

எல்லை நிர்ணயத்தை காட்டி, தேர்தலை ஒத்திவைத்து, மக்களின் கருத்தை முன்னிலைப்படுத்தும் வாய்ப்பை நாட்டு மக்களிடம் இருந்து பறிக்க இந்த அரசு முயற்சிக்கிறது . இந்த அரசியல் விளையாட்டில் எங்களுக்கு உடன்பாடு இல்லை. நமகிந்த தேசப்பிரியவிடம் நாங்கள் தெளிவாகக் கூறுகிறோம் நீங்கள் உண்மையிலேயே நாட்டை நேசிப்பவராக இருந்தால், தேர்தலை ஒத்திவைப்பதற்காக உருவாக்கப்பட்ட தேர்தல் வரைபடத்தை சுருக்கி உருவாக்கப்பட்ட இந்த பதவியில் இருந்து விலகுங்கள், அதுதான் எங்களின் முன்மொழிவு.

இப்படிப்பட்ட எல்லை நிர்ணயக் குழுவை ஆதரிப்பது என்பது தேர்தலை ஒத்திவைக்கும் அரசியல் சதியில் பங்காளியாகிவிடுவது என்பதுதான். நாட்டு மக்களுக்கு ஒரு செய்தியை அனுப்புகிறோம், தயாராகுங்கள் உள்ளூராட்சி தேர்தலை வாபஸ் பெறும் முயற்சிக்கு இடமளிக்க மாட்டோம், பொது மக்களுடன் வீதியில் இறங்கி மக்கள் விரும்பும் தேர்தலில் வெற்றி பெற நிச்சயம் உறுதி ஏற்போம். என்றார்