கடந்தாண்டு தனுஷ் மற்றும் ஐஸ்வர்யா இருவரும் பிரிந்தனர். இந்த செய்தி கோலிவுட் வட்டாரத்தையே அதிர்ச்சியாக்கியது. இதைப்பற்றி பலரும் பலவிதமான கருத்துக்களை கூற தனுஷ் மற்றும் ஐஸ்வர்யாவின் பிரிவு ஹாட் டாபிக்காக மாறியது. நாட்கள் செல்ல செல்ல இவர்களின் பிரிவு பற்றிய செய்திகளின் அலை ஓய்ந்தது.
தனுஷ் மற்றும் ஐஸ்வர்யா இருவரும் அவரவர் வேலைகளில் பிசியாக இருக்கின்றனர். தனுஷ் பிரிவிற்கு பிறகு திருச்சிற்றம்பலம், நானே வருவேன், வாத்தி ஆகிய படங்களில் நடித்தார். இப்படங்கள் திரையில் வெளியாகி மாபெரும் வெற்றியை பெற்றது. மறுபக்கம் ஐஸ்வர்யா ரஜினியை வைத்து லால் சலாம் என்ற படத்தை இயக்கும் வாய்ப்பை பெற்றார்.
லைக்கா நிறுவனம் தயாரிக்க இப்படத்தில் விஷ்ணு விஷால், விக்ராந்த் நாயகர்களாக நடிக்க ரஜினி சிறப்பு தோற்றத்தில் நடிக்கின்றார். இவ்வாறு இருவரும் பிசியாக இருக்க தற்போது மீண்டும் விவாகரத்து செய்திகள் உலா வர துவங்கியுள்ளன.
தனுஷை முறையாக விவாகரத்து செய்ய ஐஸ்வர்யா சிவில் நீதிமன்றத்தில் விவாகரத்து மனு தாக்கல் செய்துள்ளதாக தகவல்கள் வந்துள்ளது. ஆனால் இது எந்தளவிற்கு உண்மை என்பது தெரியவில்லை. இந்நிலையில் சத்தமே இல்லாமல் தனுஷ் மற்றும் ஐஸ்வர்யா இடையே கடுமையான போட்டி நிலவி வருவதாக கோலிவுட் வட்டாரத்தில் கிசுகிசுக்கப்பட்டு வருகின்றது.
அதாவது தனுஷின் ஐம்பதாவது திரைப்படத்தை அவரே இயக்கவுள்ளார். இப்படத்தை சன் பிக்சர்ஸ் மிகப்பிரமாண்டமான முறையில் தயாரிக்கின்றதாம். கேங்ஸ்டர் கதைக்களத்தில் உருவாகும் இப்படத்தில் எஸ்.ஜெ.சூர்யா மற்றும் விஷ்ணு விஷால் ஆகியோரும் நடிப்பதாக பேசப்பட்டு வருகின்றது. விரைவில் இப்படத்தின் படப்பிடிப்பு துவங்கும் எனவும் எதிர்பார்க்கப்படுகின்றது.
பா.பாண்டி படத்திற்கு பிறகு பல வருடங்கள் கழித்து தனுஷ் இயக்கவுள்ள படம் இதுவாகும். மறுபக்கம் ஐஸ்வர்யா எட்டு வருடங்கள் கழித்து லால் சலாம் படத்தின் மூலம் இயக்குனராக களமிறங்கியுள்ளார். குறிப்பாக இப்படத்தில் ரஜினியை இயக்கவுள்ளார்.
எனவே தனுஷ் மற்றும் ஐஸ்வர்யா இடையே கடுமையான போட்டி நிலவி வருகின்றதாம். இரு படங்களும் ஒரே சமயத்தில் துவங்கப்பட்டு ஒரே சமயத்தில் ரிலீஸ் செய்யப்பட்டாலும் ஆச்சரியப்படுவதற்கு இல்லை என கோலிவுட் வட்டாரத்தை சார்ந்தவர்கள் பேசி வருகின்றார்கள். ஒரு இயக்குனராக ஐஸ்வர்யா மற்றும் தனுஷ் இடையே நடக்கும் போட்டியில் வெல்லப்போவது யார் என்ற எதிர்பார்ப்பு ரசிகர்களிடம் பெருமளவில் இருந்து வருவது குறிப்பிடத்தக்கது.
Discussion about this post