இன்று (ஆக.8) சர்வதேச பூனைகள் தினம் கொண்டாடப்படுகிறது. பூனைகளை அனைவருமே பார்த்திருப்போம். அதன் சில குணாதிசயங்கள் குறித்தும் நாம் கேள்விப்பட்டிருப்போம். சிங்கம், புலி இனத்தைச் சேர்ந்தது பூனை, பூனைக்கு கண் பார்வை அதிகம் போன்ற பொதுவான விஷயங்களைதான் நாம் தெரிந்து வைத்திருப்போம் ஆனால் பூனைகளை பற்றி நாம் அறிந்திறாத பல விஷயங்கள் இருக்கின்றன. அவற்றில் சில உங்கள் பார்வைக்கு..
1. உலகம் முழுவதும் 40 வகையான பூனை இனங்கள் உள்ளன.
2. பூனைகள் மியாவ் சத்தம் எழுப்புவதை மட்டும்தான் நாம் கேட்டிருப்போம். ஆனால் 100-க்கும் மேற்பட்ட வித்தியாசமான சத்தங்களையும் பூனை எழுப்புமாம்.
3. எந்த இடத்தில் விட்டாலும் உயிர்பிழைத்து வாழக்கூடிய திறமையும், மனவலிமையும் பூனைகளுக்கு மட்டுமே உரித்தான ஒன்று. தேவைப்பட்டால் கடல் நீரை குடித்து கூட பூனைகள் உயிர் வாழும்.
4. செல்லப்பிராணிகள் என்றாலே சட்டென நமது மனதிற்கு வருவது நாய் தான். பெரும்பாலானவர்கள் வீடுகளில் நாய்களை வளர்ப்பார்கள். ஆனால் உண்மை என்னவெனில், உலகம் முழுவதும் வளர்க்கக்கூடிய செல்லப்பிராணிகளில் பூனைகளே முதலிடத்தில் இருக்கின்றன.
5. பூனைகளின் சிறுநீர் இருட்டில் ஒளிரும் தன்மைக் கொண்டது. வேட்டையாடியாக இருப்பதால் இரையை தேடி பல இடங்களுக்கு செல்ல வேண்டியிருப்பதால் தான் செல்லும் இடங்களில் சிறுநீர் இருந்தவாறே பூனைகள் செல்லும். பின்னர் இரையை பிடித்து திரும்புகையில் அந்த சிறுநீரை பார்த்து தான் வந்த வழித்தடத்தை பூனைகள் தெரிந்துகொள்ளும்.
6. பூனைகள் இருட்டில் நன்றாக பார்க்கும் திறன் கொண்டவை. எவ்வளவு இருட்டாக இருந்தாலும் சிறிய பூச்சியை கூட பூனைகள் பிடித்துவிடும்.
7. பூனை மிகவும் சுத்தமான விலங்கு ஆகும். தன் நேரத்தின் பெரும்பகுதியை உடலின் மேற்பகுதியை நக்கி சுத்தம் செய்வதில் செலவிடுமாம்.
8. ஒரு பூனை தனது வாழ்நாளில் 150 குட்டிகள் வரை போடும்.
9. பூனைகளுக்கு கண் எப்படி கூர்மையானதோ.. அதைவிட ஷார்ப்பானது அதன் கேட்கும் திறன். தவளை துள்ளிகுதித்து செல்லும் சத்தத்தை கூட பூனைகளால் கேட்க முடியும். அதேபோல, சத்தம் வருவதை கேட்பதற்காக அதன் ஒவ்வொரு காதுகளும் தனித்தனியாக அசையும். 180 டிகிரியில் அதன் காதுகள் சுற்றும்.
10. பூனைகள் உள்ளங்கால் வழியாக வியர்வையை வெளியேற்றும்.
11. பூனைகளின் உடல் தசைகள் மிகவும் நெகிழ்வுத்தன்மை மிக்கது. ரப்பரை போல வளையும் திறன் பூனைகளுக்கு உண்டு. 40 மாடி உயரத்தில் இருந்து விழுந்தாலும் பூனைகள் அடிபடாமல் உயிர்பிழைத்துக் கொள்ள முடியும்.
Discussion about this post