லியோ படத்தில் இடம்பெறும் ரெட்ரோ பாடல் இதுதானா ?

லோகேஷ் பொதுவாக தன் படங்களில் ரெட்ரோ பாடலை பயன்படுத்தி வருகின்றார். அது போல லியோ திரைப்படத்தில் லோகேஷ் எந்த பாடலை பயன்படுத்தி இருப்பார் என ஒரு தகவல் கிடைத்துள்ளது

லோகேஷ் கனகராஜின் இயக்கத்தில் உருவாகும் லியோ திரைப்படத்தில் பல ஹைலைட்டான விஷயங்கள் இருப்பதாக தெரிகின்றது. ஒட்டுமொத்த இந்திய திரையுலகே எதிர்பார்த்து காத்துக்கொண்டிருக்கும் லியோ திரைப்படம் அடுத்த வாரம் திரையில் வெளியாக இருக்கின்றது. விக்ரம் திரைப்படத்தை போல லியோ படத்தையும் லோகேஷ் முழுக்க முழுக்க தன் ஸ்டைலில் உருவாக்கி இருக்கின்றார்.

இதன் காரணமாகவே இப்படத்திற்கு கூடுதல் எதிர்பார்ப்பு இருந்து வருகின்றது. லியோ கண்டிப்பாக ராவான படமாக இருக்கும் என்பதே அனைவரது எதிர்பார்ப்பாக இருக்கின்றது. அப்படி இருந்தால் கண்டிப்பாக லியோவில் நாம் வித்யாசமான விஜய்யை பார்க்கலாம் என்பது மட்டும் உறுதி.

இந்நிலையில் தற்போது லியோ படத்தின் ப்ரோமோஷன் வேலைகள் விறுவிறுப்பாக போய்க்கொண்டிருக்கிறது. இயக்குனர் லோகேஷ் ஊடகங்களுக்கு பேட்டிகள் கொடுத்து வருகின்றார். மறுபக்கம் இப்படத்தின் இணை எழுத்தாளர்களான ரத்னகுமார் மற்றும் தீரஜ் வைத்தியும் பேட்டிகள் கொடுத்து வருகின்றனர்.

அப்பேட்டிகளில் லியோ படத்தை பற்றி பல விஷயங்களை இவர்கள் பகிர்ந்து வருகின்றனர். இந்நிலையில் லியோ படம் தற்போது சென்சாருக்கு சென்றுள்ளது. சென்சாரில் லியோ படத்தில் U /A வழங்கப்பட்டு இருக்கின்றது. பொதுவாக விஜய் படங்கள் என்றாலே u சான்றீதழ் தான் கிடைக்கும். ஆனால் லியோ ராவான ஆக்ஷன் படம் என்பதால் தான் இப்படத்திற்கு U/A சான்றீதழ் கிடைத்துள்ளது.

இந்நிலையில் சில நாட்களுக்கு முன்பு வெளியான லியோ ட்ரைலர் ரசிகர்கள் மத்தியில் மிகப்பெரிய வரவேற்பை பெற்றது. இதன் மூலம் இப்படத்தின் மீதான எதிர்பார்ப்பு இரட்டிப்பாகியுள்ளது. குறிப்பாக லியோ ட்ரைலரை பார்த்த பிறகு இப்படத்தில் விஜய்யின் நடிப்பை காணவே ரசிகர்கள் ஆவலாக இருக்கின்றனர்.

இது ஒருபக்கம் இருக்க பொதுவாக லோகேஷ் தன் படங்களில் ரெட்ரோ பாடல்களை பயன்படுத்துவதை வழக்கமாக வைத்திருப்பார். கைதி, மாஸ்டர், விக்ரம் போன்ற படங்களில் பல ரெட்ரோ பாடல்களை லோகேஷ் பயன்படுத்தியிருப்பார். குறிப்பாக விக்ரம் படத்தில் அவர் சக்கு சக்கு வத்திக்குச்சி என்ற மன்சூர் அலி கானின் பாடலை பயன்படுத்தி அப்பாடலை வைரலாக்கினார் லோகேஷ்.

அந்த வகையில் லியோ படத்தில் ரெட்ரோ பாடலை லோகேஷ் பயன்படுத்துவாரா ? அப்படி பயன்படுத்தினால் அது எந்த பாடலாக இருக்கும் என தெரிந்து கொள்ள ரசிகர்கள் ஆவலாக இருக்கின்றனர். இந்நிலையில் லியோ திரைப்படத்தில் இடம்பெறும் ரெட்ரோ பாடலை பற்றிய ஒரு தகவல் தற்போது கிடைத்துள்ளது.

அப்பாடல் சத்யராஜின் நடிப்பில் வெளியான வில்லாதி வில்லன் படத்தில் இடம்பெற்ற தீம்தலக்கடி தில்லாலே என்ற பாடல் தானாம். வித்யாசாகரின் இசையில் உருவான இப்பாடல் 90 ஸ் கிட்ஸ்க்கு பிடித்த பாடல்களுள் ஒன்று. எனவே இப்பாடல் லியோவில் இடம்பெற்றால் அது செம வைபாக இருக்கும் என்பதில் எந்த சந்தேகமும் இல்லை.

ஆனால் இந்த தகவல் உண்மையா ? இல்லையா ? என்பது படம் வெளியான பின்னர் தான் தெரியவரும். இருப்பினும் லியோ திரைப்படத்தில் கண்டிப்பாக ஒரு ரெட்ரோ பாடல் இடம்பெறும் என்பது மட்டும் உறுதியான தகவலாக உள்ளது குறிப்பிடத்தக்கது.