ஹிந்தி மற்றும் தமிழ் படங்களில் பிரதானமாக நடித்து வருகிறார் ஐஸ்வர்யா ராய். மிஸ் வேர்ல்ட், உலக அழகி என பியூட்டி பேஜண்ட்டுகளின் உயரிய பட்டங்களையும், இந்தியாவின் பெருமையான விருதான பத்மஸ்ரீ விருதையும் ஐஸ்வர்யா ராய் வென்றிருக்கிறார். தூம் படத்தில் நடித்தபோது அபிஷேக் பச்சனை காதலித்தார். கடந்த 2007ஆம் ஆண்டு இவர்கள் திருமணம் செய்து கொண்டார்கள்.
2011ல் ஐஸ்வர்யா ராய் மற்றும் அபிஷேக் பச்சன் ஜோடிக்கு ஆராத்யா என்ற மகள் பிறந்தார். ஆராத்யா பச்சன் ஐஸ்வர்யா மற்றும் அபிஷேக் பச்சனுக்கு மட்டுமல்லாது ஒட்டுமொத்த பச்சன் குடும்பத்திற்கே மிகவும் செல்லமானவர். 12 வயதான ஆராத்யா பச்சன் திருபாய் அம்பானி இன்டர்நேஷனல் பள்ளியில் படித்து வருகிறார். படிப்பில் மிகவும் கெட்டிக்காரரான ஆராத்யா பச்சன் அவ்வப்போது அப்பா அபிஷேக், அம்மா ஐஸ்வர்யா, தாத்தா அமிதாப் என அவர்களோடு திரைப்பட நிகழ்ச்சிகளில் கலந்து கொள்ளுவார்.
அம்மா ஐஸ்வர்யா ராய் போலவே ஆராத்யா பச்சன் மிக அழகாக இருப்பதால் இவரும் நடிக்க வந்து விடுவாரோ ? என்ற கேள்விகளும் அவ்வப்போது இணையத்தில் எழுந்து வந்தது. அந்த வகையில், ஆராத்யா கண்டிப்பாக நடிக்க வரவேண்டும் என கூறும் வகையில் தரமான சம்பவத்தை செய்திருக்கிறார். படிப்பில் மிகவும் கெட்டிக்காரரான ஆராத்யா பச்சன் கபடி போன்ற விளையாட்டிலும் அதிக ஆர்வமுடையவர்.
தற்போது ஆராத்யா பச்சன் அவரது பள்ளி ஆண்டு விழாவில் செய்த மேடை மிகழ்ச்சியின் காணொளி இணையத்தில் வைரலாகி வருகிறது. கருப்பு நிற உடையில், ஆங்கில வரிகளை மிகவும் தெளிவாகவும் அழகாகவும் பேசிய ஆராத்யா பச்சனின் நடிப்பு வீடியோ இப்போது பாலிவுட் வட்டாரங்கள் மட்டுமல்லாது கோலிவுட் வட்டாரங்களிலும் பரவத் தொடங்கி இருக்கிறது.
எப்போதுமே முடியை முன் விட்டிருக்கும் ஆராத்யா இந்த நடிப்பு காட்சியில் முழு முகத்தையும் காட்டும் வகையில் நடித்திருப்பார். இதுதான் ஆராத்யாவின் முழு முகமா என கேட்டுவருகிறார்கள் ரசிகர்கள். அதுமட்டுமில்லாது, நடிப்பில் அம்மா ஐஸ்வர்யா ராயையே மிஞ்சிவிடுவார்போல என கமெண்ட் போட்டுவருகிறார்கள் ரசிகர்கள்.
ஆராத்யாவின் இந்த வீடியோவில் ஐஸ்வர்யா செய்த நெகிழ்ச்சியான விஷயமும் பதிவாகியுள்ளது. ஆராத்யாவின் நடிப்பை பார்த்து நெகிழ்ந்த ஐஸ்வர்யா அவரது மொபைல் போனில் வீடியோ எடுத்தப்படி இருக்கிறார். ஆராத்யாவின் நிகழ்ச்சியை பார்க்க அபிஷேக் பச்சன், அமிதாப் பச்சன், ஜெயா பச்சன், ஸ்வேதா பச்சன் என ஒட்டுமொத்த பச்சன் குடும்பத்தினரும் பங்கேற்றிருந்தார்கள்.
அதுமட்டுமில்லாமல், இந்தப் பள்ளியின் ஆண்டவிழாவில் முன்னணி பாலிவுட் நடிகர்களான கரன் ஜோகர், கரீனா கபூர், ஷாருக்கான் போன்றோர் வந்திருந்தார்கள். அவர்களது பிள்ளைகள் அதே பள்ளியில் படிக்கிறார்கள் என்பது குறிப்பிடத்தக்கது.
Discussion about this post