விரைவில் அமைச்சரவை மாற்றம்?

அமைச்சரவை மாற்றம் குறித்த பேச்சு மீண்டும் எழுந்துள்ளது.

இன்று ஊடகங்களுக்கு கருத்து தெரிவித்த முன்னாள் அமைச்சர் ஸ்ரீலங்கா பொதுஜன பெரமுனவின் பாராளுமன்ற உறுப்பினர் எஸ்.எம்.சந்திரசேன, தற்போதைய அமைச்சரவையை மாற்றியமைப்பது தொடர்பில் கலந்துரையாடப்பட்டு வருவதாக தெரிவித்தார்.

அமைச்சரவை மறுசீரமைப்பிற்கான நேரம் பொருத்தமானது என நாடாளுமன்ற உறுப்பினர் தெரிவித்தார்.

தகுதியான பல வேட்பாளர்கள் தற்போது அமைச்சுப் பதவி இல்லாமல் இருப்பதாகவும் அவர் குறிப்பிட்டார்.

பல முன்னாள் அமைச்சர்களும் கடந்த சில வாரங்களாக பல சந்தர்ப்பங்களில் அமைச்சரவை மறுசீரமைப்புக்கு அழைப்பு விடுத்துள்ளனர்.

இதேவேளை, சர்வதேச நாணய நிதியத்துடன் இலங்கை ஒப்பந்தம் செய்து கொள்வதற்கு முன்னர் புதிய அமைச்சரவை பதவியேற்பது சாத்தியமில்லை என அரசாங்கத்தின் மூத்த பேச்சாளர் ஒருவர் தெரிவித்துள்ளார்.

IMF ஆனது இலங்கையின் விரிவாக்கப்பட்ட நிதி வசதிக்கான கோரிக்கையை எதிர்வரும் மார்ச் மாதம் 20 ஆம் திகதி பரிசீலனை செய்யவுள்ளது.