மகிழ் திருமேனி இயக்கத்தில் அஜித் நடிக்கவிருக்கும் விடாமுயற்சி படத்தில் அஜித் இரண்டு வேடங்களில் நடிப்பதாக தகவல் வருகின்றன
இந்நிலையில் விடாமுயற்சி படத்தின் அறிவிப்பு வந்த நாளிலிருந்து படத்தைப்பற்றிய தகவல்கள் இணையத்தில் வெளியான வண்ணம் இருந்து வருகின்றன. அதன் படி இப்படத்தில் நாயகியாக நடிப்பதற்காக த்ரிஷா, ஐஸ்வர்யா ராய் ஆகியோருடன் பேச்சுவார்த்தை நடைபெற்று வருவதாக ஒரு தகவல் வெளியாகின. மேலும் இப்படத்தில் இரண்டு நாயகிகள் நடிக்க இருப்பதாகவும் தகவல் வந்தன. இதை கேள்விப்பட்ட ரசிகர்கள் சிலர் ஒருவேளை விடாமுயற்சி படத்தில் அஜித் இரண்டு வேடங்களில் நடிக்கிறாரா ? அதனால் தான் படத்தில் இரண்டு நாயகிகளா என யூகித்து வருகின்றனர். வாலி, வில்லன், வரலாறு, பில்லா என பல படங்களில் இரட்டை வேடத்தில் நடித்த அஜித் விடாமுயற்சி படத்திலும் நடித்தால் அது ரசிகர்களுக்கு செம விருந்தாக அமையும் என்பதில் எந்த சந்தேகமும் இல்லை
அஜித் மற்றும் மகிழ் திருமேனி கூட்டணியில் உருவாகும் படத்திற்கு விடாமுயற்சி என பெயர்வைக்கப்பட்டுள்ளது. இதையடுத்து அஜித் மீண்டும் V சென்டிமென்டை பின்தொடர்கின்றார் என்றும், டைட்டில் மாஸாக இல்லை என்றும் பல விமர்சனங்கள் எழுந்தன.இந்நிலையில் ஒரு சிலரோ விடாமுயற்சி அஜித்திற்கு இது ஏற்ற டைட்டில் தான் என்றும், டைட்டில் எப்படி இருந்தால் என்ன படம் தரமாக இருக்கும் என்றும் பேசி வருகின்றனர். இந்நிலையில் விடாமுயற்சி படம் ஹாலிவுட் தரத்தில் உருவாகும் ஒரு ஆக்ஷன் திரில்லர் படமாக இருக்கும் என தகவல்கள் வருகின்றன
தற்போது விடாமுயற்சி படத்தின் படப்பிடிப்பிற்காக வேலைகள் தீவிரமாக போய்க்கொண்டிருக்கின்றன. அஜித் தற்போது தான் பைக் சுற்றுலாவை முடித்துவிட்டு சென்னை திரும்பியுள்ளார். இன்னும் ஓரிரு நாட்களில் அஜித் விடாமுயற்சி படத்தின் முழு கதையையும் கேட்கவுள்ளார். இது ஒருபக்கம் இருக்க மறுபக்கம் இயக்குனர் மகிழ் திருமேனி லொகேஷன் தேடலில் இறங்கியுள்ளார். மேலும் படத்தில் நடிக்கும் நடிகர்கள் மற்றும் தொழில்நுட்ப கலைஞர்களின் தேர்வும் ஒருபக்கம் நடைபெற்று வருகின்றது. இந்நிலையில் விடாமுயற்சி படத்தின் படப்பிடிப்பு மே மாதம் இறுதியில் துவங்கி நவம்பர் மாதத்திற்குள் முடித்துவிட படக்குழு திட்டமிட்டுள்ளதாம். மேலும் அடுத்தாண்டு ஏப்ரல் மாதம் படத்தை வெளியிடவும் படக்குழு முடிவுசெய்துள்ளதாக தகவல் வருகின்றன
அஜித் துணிவு படத்திற்கு பிறகு விக்னேஷ் சிவனின் இயக்கத்தில் நடிப்பதாக இருந்தது. ஆனால் சில பல காரணங்களால் விக்னேஷ் சிவனை படத்திலிருந்து நீக்கிவிட்டு மகிழ் திருமேனியை இயக்குனராக படக்குழு ஒப்பந்தம் செய்தது. என்னதான் மகிழ் திருமேனி தான் அஜித்தின் அடுத்த பட இயக்குனர் என முடிவானாலும் இதனை படக்குழு அறிவிக்கலாமலே இருந்து வந்தது. கடந்த ஜனவரி மாதமே இந்த தகவல் கசிய துவங்கிய நிலையில் படக்குழு இதனைப்பற்றிய அதிகாரபூர்வ அறிவிப்பை வெளியிடாமல் இருக்க ரசிகர்கள் குழம்பி வந்தனர். இந்நிலையில் தற்போது ஐந்து மாதங்கள் கழித்து அஜித்தின் பிறந்தநாளை முன்னிட்டு இப்படத்தின் அதிகாரபூர்வ அறிவிப்பு வெளியானது
Discussion about this post