பிறந்த குழந்தையின் ஆரோக்கியமான வளர்ச்சி என்பது தாய்ப்பால் ஊட்டுவது மற்றும் குழந்தை போதுமான அளவு தூக்கம் பெறுவதில் உறுதி பெறுகிறது. குழந்தைக்கு தூக்கம் போதுமானதாக தான் உள்ளதா அல்லது இன்னும் குழந்தைக்கு தூக்கம் தேவையா என்பது குறித்து அம்மாக்கள் அறிந்து கொள்வது முக்கியம். உங்கள் குழந்தை இந்த அறிகுறிகளை உணர்த்தினால் குழந்தைக்கு போதுமான தூக்கம் இல்லை என்று சொல்லலாம். அப்படியான அறிகுறிகள் என்ன என்பதை இப்போது பார்க்கலாம்.
குழந்தைக்கு தூக்கம் வந்தால் தானாக தூங்கி விடுவார்கள் என்பது தான் எல்லா அம்மாக்களின் கணிப்புமே. ஆனால் குழந்தை போதுமான தூக்கம் இல்லாத போது சோர்வை கொண்டிருப்பார்கள். இதனால் சுறுசுறுப்பாகவும் எரிச்சலுடனும் இருப்பார்கள். இவர்கள் தூங்குவது இன்னும் கடினமாக இருக்கும். அதிலும் குழந்தை குறுநடை போடும் வயதில் இருந்தால் அவர்கள் எதிர்மறையாக மாறலாம். கோபமாக இருக்கலாம். சில நேரங்களில் இது வளர்ச்சியுடன் தொடர்பில் இருக்கலாம். அதனால் குழந்தை போதுமான தூக்கத்தை கொண்டிருக்கிறார்களா என்பதை அறிவது முக்கியம்.
குழந்தைக்கு போதுமான தூக்கம் இல்லையெனில் அவர்கள் சில அறிகுறிகளை வெளிப்படுத்துவார்கள். அப்படியான அறிகுறிகள் என்ன என்பதை பார்க்கலாம்.
குழந்தை அடிக்கடி அழலாம்
ஒவ்வொரு தாய்க்கும் தன் குழந்தை எவ்வளவு நேரம் அழுகிறது என்பதை உணர்ந்துகொள்ள முடியும். குழந்தையின் அசாதாரண அழுகையை உள்ளுனர்வு புரிந்து கொள்ள முடியும். குழந்தையின் இயற்கையான பழக்கவழக்கங்களை அழுகைகளை அம்மாக்கள் உணர்வார்கள். உங்கள் குழந்தை வழக்கத்தை விட அதிகமாக அழுவது போன்று தோன்றினால் அதற்கு காரணம் சோர்வாகவும், தூக்கமின்மையும் கொண்டிருப்பதன் அறிகுறியாக இருக்கலாம்.
குழந்தை கைகளால் முகத்தை தேய்க்கலாம்
படுக்கை நேரத்தில் குழந்தை தன் கைகளை முகத்தில் வைத்து தேய்க்க செய்யும். கண்கள் மூக்கை தேய்க்கலாம். சில நேரங்களில் தனது தலைமுடியை இறுக்கமாக பிடித்துகொள்ளலாம். தனது முகத்தையே கவிழ்த்துகொள்ளலாம். இப்படி தொடர்ந்து செய்துகொண்டே இருந்தால் குழந்தைக்கு தூக்கமின்மையும் சோர்வும் இருப்பது உறுதி.
குழந்தை தூக்கி கொண்டே வைத்திருக்க சொல்லும்
தூக்கம் இல்லாத நாளில் குழந்தை எப்போது அம்மாவிடம் நெருக்கம் பாராட்டும். குழந்தை கீழே கிடத்தினால் அழும். வழக்கமான நேரத்தை விட எப்போதும் தூக்கி வைக்க சொல்லும். கீழே இறங்க மறுக்காது. எப்போதும் அம்மாவை கெட்டியாக பிடித்துகொள்ள விரும்பினால் குழந்தைக்கு தூக்கமின்மையும் அதனால் சோர்வும் காரணமாக இருக்கலாம்.
குழந்தைக்கு எதிலும் நாட்டம் இருக்காது
குழந்தைக்கு தூக்கமின்மை பிரச்சனை இருந்தால் குழந்தை அவர்களுக்கு பிடித்த பொருளிலிருந்து தள்ளி இருக்கும். சில நேரங்களில் குழந்தையே தன்னை தூங்க வைக்க முயற்சிக்கும். இது பொதுவானது என்றாலும் தூக்கமின்மை நேரத்தில் இது அவர்களுக்கு மோசமானது. குழந்தை தனித்திருக்க விரும்பினால் குழந்தைக்கு சோர்வும் அதனால் தூக்கமும் இருக்கலாம்.
சில குழந்தை அதிக வம்பு செய்யலாம்
சில குழந்தை தூங்கும் நேரம் இயல்பாக இருந்தால் அமைதியாக இருப்பார்கள். தூக்கமின்மை இருக்கும் போது வெறித்தனமாக இருப்பார்கள். முழுக்க முழுக்க கோபமாக இருப்பார்கள்.
குழந்தை தூக்கமின்மையை கொண்டிருக்கும் போது அவர்கள் ஹைபர் ஆக்டிவ் ஆக செயல்படுவார்கள். தவழும் குழந்தையாக இருந்தால் ஓரிடத்தில் நிற்காமல் இருப்பார்கள். குறுநடை போடும் வயதாக இருந்தால் ஒரு அறையில் இருந்து மற்றொரு அறைக்கு ஓடலாம். இது குழந்தை சுறுசுறுப்பாக இருப்பதாக அர்த்தம் அல்ல. குழந்தை ஓடிக்கொண்டே இருப்பது தூக்கமின்மையின் அறிகுறியாக இருக்கலாம்.
உணவு எடுப்பதில் சிரமம்
குழந்தைக்கு திட உணவு, திரவ உணவு என எதைகொடுத்தாலும் குழந்தை சாப்பிடுவதற்கு அடம்பிடித்தால் அது அவர்களது தூக்கமின்மையை குறிக்கும். இத்தகைய குழந்தைகள் தூக்கத்தில் பிரச்சனையை கொண்டிருப்பார்கள். இவர்களை வலுக்கட்டாயமாக இழுத்து தூங்க வைக்க வேண்டும்.
குழந்தை தூக்கத்திலிருந்து எழுப்புவது கடினம்
குழந்தை நன்றாக தூங்கினால் தூக்கம் கலைந்து எழும்போது இயல்பாக எழுவார்கள். தூக்கமின்மை கொண்டிருந்தால் அவர்களை எழுப்புவது கடினமாக இருக்கும். இவர்களை எழுப்புவது நீங்கள் வழக்கத்தை விட இரண்டு மடங்கு செயல்பட வேண்டியதாக இருக்கும். தூக்கமின்மையை தொடர்ந்து அனுபவிக்கும் குழந்தைகள் அவர்கள் விழித்த பிறகும் சோர்வு நீங்கியிருக்க மாட்டார்கள்.
இந்த அறிகுறிகளை நீங்கள் குழந்தைகளிடம் கண்டால் உங்கள் குழந்தைக்கு போதுமான தூக்கம் இல்லை என்று அர்த்தம். குழந்தையை தூங்க வைக்க தனிகவனம் செலுத்துவது முக்கியம். குழந்தயின் தூக்கத்தை அட்டவணையிட்டு தூங்க வையுங்கள். அதிக வெளிச்சமில்லாத காற்றோட்டமான அறையில் தூங்க வையுங்கள். குழந்தையின் தூக்கத்தை பாதிக்கும் எந்த விஷயத்தையும் நீங்கள் செய்ய வேண்டாம். குழந்தைக்கு தீவிரமாக தூக்கமின்மை இருந்தால் மருத்துவரை அணுகி ஆலோசனை பெறுங்கள்.
Discussion about this post