96 படத்திற்கு விஜய் சேதுபதியின் சம்பளம் எவ்வளவு தெரியுமா?: தெரிந்தால் ஷாக் ஆகிடுவீங்க

பிரேம்குமார் இயக்கத்தில் விஜய் சேதுபதி கே. ராமசந்திரனாக நடித்த 96 படம் கடந்த 2018ம் ஆண்டு ரிலீஸாகி பெரிய அளவில் வெற்றி பெற்றது. அந்த படத்தில் ஜானுவாக நடித்த த்ரிஷாவின் கெரியர் உச்சம் தொட்டது.

96 படம் பார்த்த அனைவருக்கும் அது பிடித்துவிட்டது. இன்றளவும் கொண்டாடப்படும் படமாக இருக்கிறது 96. அந்த படத்தில் நடிக்க விஜய் சேதுபதி சம்பளமே வாங்கவில்லையாம்.

இது குறித்து செவன் ஸ்கிரீன் ஸ்டுடியோ நிறுவனத்தின் லலித் குமார் கூறியிருப்பதாவது,

விஜய் சேதுபதி நடித்த நான்கு படங்களை நான் தயாரித்திருக்கிறேன். 96 படத்தில் நடிக்க அவர் சம்பளம் வாங்கவில்லை. அதற்காகவே அந்த படம் பெரிய பிளாக்பஸ்டர் ஆனது. அடுத்ததாக விஜய் சேதுபதியின் துக்ளக் தர்பார் படத்தை தயாரித்தேன்.

அந்த பட வேலையை துவங்கியபோது என்னுடைய மாஸ்டர் படத்தில் விஜய் சேதுபதி தான் வில்லனாக நடிக்க வேண்டும் என இயக்குநர் லோகேஷ் கனகராஜ் என்னிடம் சொன்னார். சரி என்று துக்ளக் தர்பாருக்காக விஜய் சேதுபதி கொடுத்த கால்ஷீட்டை மாற்றி மாஸ்டர் படத்தை எடுத்தோம். அந்த பட வேலையை முடித்த பிறகே துக்ளக் தர்பார் படத்தை எடுத்தோம்.

துக்ளக் தர்பாரை அடுத்து விஜய் சேதுபதியின் காத்து வாக்குல ரெண்டு காதல் படத்தை தயாரித்தேன். இப்படியாக நான் விஜய் சேதுபதியுடன் சேர்ந்து நான்கு படங்களில் வேலை செய்திருக்கிறேன். நான்கு படங்களும் வெற்றி பெற்றன. ஒரு தயாரிப்பாளராக அந்த நான்கு படங்கள் மூலம் நன்றாக சம்பாதித்தேன், நல்ல லாபம் பார்த்தேன் என்றார்.

மாஸ்டர் படத்திற்கு பிறகே விஜய் சேதுபதியை கொடூர வில்லனாக அனைவரும் ஏற்றுக் கொண்டார்கள். ஆனால் அந்த கொடூர வில்லனை ரசிக்கும்படி காட்டினார் லோகேஷ் கனகராஜ். விஜய் சேதுபதியின் கெரியரை மாஸ்டருக்கு முன், மாஸ்டருக்கு பின் என பிரித்துப் பார்க்கலாம். அந்த அளவுக்கு அவரின் கெரியரில் முக்கியமான படமாக அமைந்துவிட்டது மாஸ்டர்.

முன்னதாக மாஸ்டர் படம் பார்த்தவர்களோ, ஹீரோ விஜய் தான், ஆனால் படம் விஜய் சேதுபதி உடையது என்று விமர்சிக்கும் அளவுக்கு நடித்திருந்தார். அந்த விஜய் சேதுபதி தான் வேண்டும் என லோகேஷ் தான் கேட்டிருக்கிறார். அதனால் தான் விஜய் சேதுபதியின் கதாபாத்திரத்தை அனைவரும் கொண்டாடும் வகையில் அமைத்துவிட்டார் போன்று.

மாஸ்டரை அடுத்து விஜய்யை வைத்து லோகேஷ் கனகராஜ் இயக்கியிருக்கும் லியோ படத்தையும் லலித் குமார் தான் தயாரித்திருக்கிறார். நல்ல வேளையாக அந்த படத்தில் விஜய் சேதுபதி வில்லன் இல்லை என்பதே விஜய் ரசிகர்களுக்கு பெரிய நிம்மதி.

அதே சமயம் சஞ்சய் தத், அர்ஜுன் என இரண்டு பெரிய கெத்து வில்லன்கள் இருக்கிறார்கள். அது போதாது என்று ஒரு வில்லன் படையே இருக்கிறது. விஜய்ணா பாவம், எப்படித் தான் இந்த வில்லன்களை எல்லாம் சமாளித்து ஸ்கிரீன் ஸ்பேஸ் பெறப் போகிறாரோ என்பதே தளபதி ரசிகர்களின் பெரிய கவலையாக இருக்கிறது.