ரஜினிக்கு வந்த புது சிக்கல்..வேட்டையன் ரிலீஸில் ஏற்பட்ட திடீர் மாற்றம் ?

ரஜினி ஜெயிலர் படத்தை தொடர்ந்து ஞானவேல் இயக்கத்தில் வேட்டையன் படத்தில் நடித்து வருகின்றார். இப்படத்தின் படப்பிடிப்பு விறுவிறுப்பாக நடைபெற்று வருகின்றது. ஏப்ரல் மாதம் இப்படம் வெளியாகும் என அறிவிக்கப்பட்ட நிலையில் தற்போது இப்படத்தின் ரிலீஸ் தேதியில் மாற்றம் ஏற்பட்டுள்ளதாக தகவல் வந்துள்ளது

ரஜினி ஜெயிலர் படத்தை தொடர்ந்து ஐஸ்வர்யாவின் இயக்கத்தில் லால் சலாம் படத்தில் சிறப்பு தோற்றத்தில் நடித்துள்ளார். இப்படம் பொங்கலுக்கு வெளியாவதாக இருந்து பின்பு தள்ளிவைக்கப்பட்டுள்ளது. அதைத்தொடர்ந்து ஞானவேலின் இயக்கத்தில் வேட்டையன் என்ற படத்தில் நடித்து வருகின்றார் ரஜினி. ஜெய் பீம் போல இப்படமும் ஒரு உண்மை சம்பவத்தை அடிப்படையாக கொண்டு உருவாக்கப்பட்டு வருவதாக தகவல்கள் வருகின்றன.

ரஜினியுடன் இணைந்து அமிதாப் பச்சன், பஹத் பாசில், ராணா என மிகப்பெரிய நட்சத்திர பட்டாளங்களே நடித்து வருகின்றனர். அனிருத்தின் இசையில் உருவாகும் இப்படத்தின் படப்பிடிப்பு தற்போது விறுவிறுப்பாக நடைபெற்று வருகின்றது. கேரளா, தூத்துக்குடி, நாகர்கோயில் போன்ற ஊர்களில் இப்படத்தின் படப்பிடிப்பு நடைபெற்று வருகின்றது.

இந்நிலையில் வேட்டையன் திரைப்படம் ஏப்ரல் மாதம் வெளியாவதாக இருந்த நிலையில் தற்போது இப்படத்தின் ரிலீஸ் தேதியில் மாற்றம் ஏற்பட்டு இருப்பதாக தகவல்கள் வருகின்றன. ஏப்ரல் 14 ஆம் தேதி தமிழ் புத்தாண்டை முன்னிட்டு இப்படத்தை வெளியிட ரஜினி திட்டமிட்டிருந்தார்.படக்குழுவும் அந்த ரிலீஸ் தேதியை நோக்கியே வேலை செய்து வந்தது.

ஆனால் தற்போது யாரும் எதிர்பார்க்காத ஒரு பிரச்சனை படக்குழுவிற்கு எழுந்துள்ளது. அதாவது இப்படத்தின் VFX பணிகளை முடிக்க தாமதமாகும் என்பதால் வேட்டையன் திரைப்படம் ஏப்ரல் மாதம் வெளியாகாது என்றே தெரிகின்றது. எனவே VFX பணிகள் முடிவடைய எட்டு மாதங்கள் ஆகும் என்பதால் வேட்டையன் திரைப்படம் ஆகஸ்ட் மாதம் வெளியாகவே அதிக வாய்ப்புகள் இருப்பதாக தகவல்கள் வருகின்றன.

இது ரஜினி ரசிகர்களுக்கு பெரும் அதிர்ச்சியை ஏற்படுத்தியுள்ளது. இருந்தாலும் இந்த தகவலில் எந்தளவிற்கு உண்மை உள்ளது என தெரியவில்லை. இந்நிலையில் கடந்தாண்டு ஆகஸ்ட் மாதம் ஜெயிலர் படம் வெளியாகி மாபெரும் வெற்றியை பெற்ற நிலையில் ரஜினியின் அடுத்த படத்தை திரையில் காண ஆவலாக இருக்கின்றனர்.

ஆனால் லால் சலாம் படம் தள்ளிப்போயுள்ளதை அடுத்து தற்போது வேட்டையன் படமும் தள்ளிப்போயுள்ளது ரஜினி ரசிகர்களை கவலையில் ஆழ்த்தியுள்ளது. இதையடுத்து ஏப்ரல் மாதம் வேட்டையன் திரைப்படம் தள்ளிப்போனால் கமலின் இந்தியன் 2 திரைப்படம் ஏப்ரல் மாதம் வெளியாக அதிக வாய்ப்புகள் உள்ளது என்பது குறிப்பிடத்தக்கது