‘நாயகன்’ படத்திற்கு பின்னர் பல வருடங்களுக்கு பின்னர் கமல், மணிரத்னம் கூட்டணி இணைந்துள்ளனர். இவர்களின் கூட்டணியில் ‘தக் லைஃப்’ படம் உருவாக இருக்கிறது. இப்படத்தினை ஷுட்டிங்கை இம்மாதத்தில் துவங்க திட்டமிட்டுள்ளனர் படக்குழுவினர்.
ஆண்டவருடன் இணையும் வாரிசு நடிகர்: ‘தக் லைஃப்’ படம் குறித்து வெளியாகியுள்ள சூப்பரான தகவல்.!
கமல், மணிரத்னம் கூட்டணியில் ‘தக் லைஃப்’ படம் உருவாகவுள்ளது. தமிழ் திரையுலகின் இருபெரும் ஜாம்பவான்களான இவர்கள் இருவரும் நீண்ட இடைவேளைக்கு பிறகு இணைந்துள்ளனர். இந்த காம்போவில் எப்படியாப்பட்ட படம் உருவாக போகிறது என்பது அறிய ஒட்டுமொத்த தென்னிந்திய திரையுலகமே உச்சக்கட்ட எதிர்பார்ப்பில் உள்ளது.
கமல் நடிப்பில் கடைசியாக ‘விக்ரம்’ படம் வெளியாகி இருந்தது. லோகேஷ் கனகராஜ் இயக்கத்தில் பெரும் எதிர்பார்ப்புக்கு மத்தியில் ரிலீசாகி பிரம்மாண்ட வெற்றி பெற்றது இப்படம். விக்ரமின் பிரம்மாண்ட வெற்றிக்கு பின்னர் படங்கள், தயாரிப்பு, சின்னத்திரையில் பிக்பாஸ் என படு பிசியாக இயங்கி வருகிறார். இதனிடையில் ஷங்கர் இயக்கத்தில் உருவாகி ‘இந்தியன் 2’ படத்தில் தற்போது நடித்து முடித்துள்ளார்.
இதனையடுத்து அடுத்ததாக ‘தக் லைஃப்’ படத்தில் நடிக்கவிருக்கிறார் கமல். ‘நாயகன்’ என்ற கல்ட் கிளாசிக் படத்தை கொடுத்த காம்போ, நீண்ட இடைவேளைக்கு பிறகு மீண்டும் இணைந்துள்ளனர். ‘பொன்னியின் செல்வன்’ இரண்டு பாகங்களின் வெற்றிக்கு பின்னர் கமலை வைத்து படம் இயக்கவுள்ளார் மணிரத்னம். கமலின் பிறந்தநாளை முன்னிட்டு இப்படத்தின் முன்னோட்ட வீடியோ வெளியாகி இணையத்தில் வேறலெவல் ஹிட்டடித்தது.
இந்நிலையில் ‘தக் லைஃப்’ படப்பிடிப்பு இந்த மாதத்திலிருந்து துவங்க இருக்கிறது. இதற்கான வேலைகளில் தற்போது மணிரத்னம் ஈடுபட்டு வருவதாக கூறப்படுகிறது. இந்நிலையில் இப்படம் குறித்து லேட்டஸ்ட் தகவல் ஒன்று வெளியாகியுள்ளது. அதன்படி ஜெயம் ரவி, திரிஷா, துல்கர் சல்மான் உள்ளிட்டோர் இப்படத்தில் நடிக்கவுள்ள நிலையில் கெளதம் கார்த்திக்கும் இப்படத்தில் இணைந்துள்ளதாக தகவல்கள் வெளியாகியுள்ளன.
முன்னதாக மணிரத்னமின் ‘கடல்’ படத்தில் கெளதம் கார்த்திக் நடித்திருந்தார். இதனையடுத்து தற்போது மீண்டும் அவரது இயக்கத்தில் கமலுடன் இணைந்து நடிக்கவுள்ளார். ‘தக் லைஃப்’ படத்திற்கு பின்னர் தான் எச். வினோத் இயக்கத்தில் நடிக்கவுள்ளார் கமல். ‘KH 233’ குறித்தான அறிவிப்பு ஏற்கனவே வெளியாகி இருந்தாலும் ‘தக் லைஃப்’ படத்திற்கு பின்னரே இப்படம் துவங்கவிருப்பது குறிப்பிடத்தக்கது.
Discussion about this post