விஜய் அரசியல் கட்சி துவங்கிய பிறகு சினிமாவில் இருந்து விலக இருப்பதாக தகவல்கள் வருகின்றன. இதைகேள்விப்பட்ட விஜய்யின் ரசிகர்கள் அதிர்ச்சியில் இருக்கின்றனர்
கடந்த சில வருடங்களாக தளபதி விஜய் அரசியலுக்கு வருவார் என்ற பேச்சுக்கள் தீவிரமாக போய்க்கொண்டிருக்கின்றன. அவரும் அதற்கு ஏற்றார் போல மேடை பேச்சுகளிலும், படங்களிலும் அரசியல் சார்ந்த வசனங்களை அவ்வப்போது பேசி வருகின்றார். மேலும் தன் மக்கள் இயக்கத்தை அரசியல் கட்சியாக மாற்றும் முனைப்பிலும் விஜய் செயல்பட்டு வருகின்றார்.
சமீபத்தில் கூட பொதுத்தேர்வில் அதிக மதிப்பெண் பெற்ற மாணவர்களுக்கு விஜய் ஊக்கத்தொகை வழங்கினார். மேலும் அவர்களுடன் 12 மணி நேரத்திற்கு மேலாக கூடவே இருந்து நேரத்தை செலவிட்டார் தளபதி. இதைத்தொடர்ந்து கல்வியின் முக்கியத்துவத்தை உணர்த்தும் வகையில் மாண்வர்களுக்கு விஜய் அட்வைஸ் செய்தார்.
இதையடுத்து மாணவர்களும் அவர்களின் பெற்றோர்களும் விஜய் அரசியலுக்கு வந்தால் நாங்கள் ஆதரிப்போம் என தெரிவித்து வருகின்றனர். பொதுவான ரசிகர்கள் பலரும் விஜய்யின் இந்த நல்ல திட்டங்கள் தொடருமானால் அவரை கண்டிப்பாக அரசியலில் ஆதரிப்போம் என கூறி வருகின்றனர்.
விஜய் அரசியலில் களமிறங்கப்போகும் நாட்கள் வெகு தூரத்தில் இல்லை என்றே தெரிகின்றது. இந்நிலையில் தற்போது பலரும் விஜய்யின் அரசியல் திட்டத்தை பற்றி தான் பேசி வருகின்றனர். அதில் ஒரு சிலர் விஜய் அரசியலுக்கு வந்தவுடன் சினிமாவில் இருந்து விலக வாய்ப்புள்ளதாக பேச, அவரது ரசிகர்கள் அதிர்ச்சியடைந்துள்ளனர்.
வரும் 2024 ஆம் ஆண்டு நடைபெற இருக்கும் நாடாளுமன்ற தேர்தலில் விஜய் களமிறங்க இருக்கின்றார் என்றும், எனவே அடுத்ததாக அவர் நடிக்க இருக்கும் தளபதி 68 படத்தை முடித்துவிட்டு சில காலம் பிரேக் எடுப்பார் என்றும் கூறி வருகின்றனர். மேலும் 2026 ஆம் ஆண்டு நடைபெற இருக்கும் சட்டமன்ற தேர்தலில் விஜய் போட்டியிட வாய்ப்புள்ளதாகவும், அப்படி போட்டியிட்டு வெற்றி பெற்றால் நடிப்பில் இருந்து விஜய் விலகவும் வாய்ப்புள்ளதாகவும் ஒரு சில பேசி வருகின்றனர்.
என்னதான் இது அதிகாரபூர்வமான தகவலாக இல்லாமல் சில ரசிகர்களின் கருத்தாக இருந்தாலும், இதை கேட்டு தளபதியின் ரசிகர்கள் அதிர்ச்சியில் இருக்கின்றனர். எனவே அரசியலுக்கு வந்தாலும் விஜய் தொடர்ந்து படங்களில் நடித்துக்கொண்டே இருக்கவேண்டும் என்பது தான் ரசிகர்களின் ஆசை..
மேலும் விஜய்யும் நடிப்பிலிருந்து கண்டிப்பாக விலகமாட்டார் என்பது ரசிகர்களின் நம்பிக்கையாக இருக்கின்றது. பொறுத்திருந்து பாப்போம் விஜய் என்ன முடிவு எடுக்கப்போகின்றார் என்று.
Discussion about this post