ராகவா லாரன்ஸ், கங்கனா ரனாவத் நடிப்பில் வெளியாகியுள்ள ‘சந்திரமுகி 2’ படம் வசூலில் தொடர்ச்சியாக மாஸ் காட்டி வருகிறது.
தமிழ் சினிமாவில் பேய் பட சீசன்களையே துவக்கி வைத்த படம் என சந்திரமுகியை சொல்லலாம். பி. வாசு இயக்கத்தில் சூப்பர் ஸ்டார் ரஜினிகாந்த், நயன்தாரா நடிப்பில் வெளியாகி இமாலய வெற்றியை பெற்றது ‘சந்திரமுகி’ படம். முதல் பாகத்திற்கு கிடைத்த பெரும் வரவேற்பை தொடர்ந்து, தற்போது பல ஆண்டுகளுக்கு பிறகு இதன் இரண்டாம் பாகம் வெளியாகியுள்ளது.
பி. வாசு இயக்கத்தில் கடந்த 2005 ஆம் ஆண்டு வெளியான படம் ‘சந்திரமுகி’. சூப்பர் ஸ்டார் ரஜினிகாந்த், ஜோதிகா, நயன்தாரா, பிரபு நடிப்பில் வெளியாகி சுமார் 300 நாட்களுக்கு மேல் திரையரங்குகளில் ஓடி பட்டையை கிளப்பியது இப்படம். இதன் இரண்டாம் பாகத்தை இயக்குவதற்கான பேச்சுவார்த்தை பல ஆண்டுகளாக நடைபெற்ற நிலையில் தற்போது இதன் இரண்டாம் பாகம் திரையரங்குகளில் வெளியாகியுள்ளது.
‘சந்திரமுகி 2’ படத்தில் ரஜினியின் தீவிர ரசிகரான ராகவா லாரன்ஸ், கங்கனா ரனாவத், வைகைப்புயல் வடிவேலு, ராதிகா சரத்குமார், லட்சுமி மேனன், மகிமா நம்பியார், சிருஷ்டி டாங்கே உள்ளிட்ட பலர் இணைந்து நடித்துள்ளனர். நேற்று முன்தினம் வெளியாகியுள்ள இப்படம் தொடர்ச்சியாக பேமிலி ஆடியன்ஸ் மத்தியில் நல்ல வரவேற்பை பெற்று வருகிறது.
தமிழ், தெலுங்கு மற்றும் இந்தி ஆகிய மொழிகளில் ‘சந்திரமுகி’ படம் ரிலீஸ் ஆகி உள்ளது. எல்லா மொழிகளிலும் படம் நல்ல வரவேற்பை பெற்று வருகிறது. முதல் நாளிலே இப்படத்திற்கு பாக்ஸ் ஆபிஸில் நல்ல ஓபனிங் கிடைத்துள்ளது. அந்த வகையில் முதல் நாளில் ‘சந்திரமுகி 2 படம் ரூ. 7.50 கோடி வசூலித்து சாதனை படைத்துள்ளது.
இதனையடுத்து நேற்றைய தினம் விடுமுறை நாள் என்பதால் படத்தின் வசூல் அதிகரித்துள்ளது. அதன்படி இரண்டாவது நாளில் இந்திய அளவில் இப்படம் ரூ. 12.75 கோடி வரை வசூலித்துள்ளதாக கூறப்படுகிறது. மொத்தத்தில் இரண்டே நாளில் ரூ. 20 கோடி வரை கலெக்ஷனை அள்ளியுள்ளது ‘சந்திரமுகி 2’. இப்படத்துடன் போட்டியாக வெளியான சித்தா, இறைவன் படங்களை தாண்டி ‘சந்திரமுகி 2’ படத்திற்கு பேமிலி ஆடியன்ஸ் மத்தியில் நல்ல வரவேற்பை பெற்று வருகிறது.
முதல் பாகத்தை போன்றே ‘சந்திரமுகி 2’ படத்திலும் ராதிகாவின் குடும்பத்தினர் வேட்டையபுரம் அரண்மனைக்கு வருகின்றனர். குலதெய்வ வழிபாட்டிற்காக அவர்கள் வரும் போது, சந்திரமுகி வருகிறாள். அதன் பின்னர் என்ன நடக்கிறது? சந்திரமுகி யாரை பழி வாங்குகிறாள்? என்பதை முதல் பாகத்தை போல் கலர்புல்லாக இயக்கியுள்ளார் பி. வாசு. இதனால் ‘சந்திரமுகி 2’ படம் பாக்ஸ் ஆபிஸில் தொடர்ச்சியாக வசூல் வேட்டை நடத்தி வருவது குறிப்பிடத்தக்கது.
Discussion about this post